ბედუკაძე არჩევნებში მონაწილეობას პარტია სტალინელების სახელით მიიღებს

2016-08-20 23:36:19, 954 ნახვა

პოლიტიკა

ცესკოს მიერ რეგისტრაციიდან მოხსნილი პარტია "ცენტრისტების" წევრები თემურ ხაჩიშვილი და ლადო ბედუკაძე არჩევნებში მონაწილეობას "საქართველოს კომუნისტური პარტია – სტალინელების" სახელით მიიღებენ. ამასთან დაკავშირებით მათ დღევანდელ ბრიფინგზე ისაუბრეს.

როგორც ხაჩიშვილმა თქვა, გაერთიანება საერთო ღირებულებებმა და ფასეულობებმა გამოიწვია. "ყველა დაპირება, რომელიც გავეცით, რჩება ძალაში", - თქვა მან.

ჯერჯერობით უცნობია, რა სახელით მიიღებს არჩევნებში მონაწილეობას და ვინ იქნება ლიდერი.

ცესკომ "ცენტრისტები" რეგისტრაციიდან 16 აგვისტოს მოხსნა. ეს გადაწყვეტილება ცესკომ საჯარო რეესტრის მიერ გამოქვეყნებული ინფორმაციის საფუძველზე მიიღო, რომლის თანახმადაც პარტიის ხელმძღვანელი პირები ოფიციალურად არ იყვნენ დარეგისტრირებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან