"სახელმწიფო ხალხისთვის" და საარჩევნო ბლოკი - ვაშაძე-ჯაფარიძე-ახალი არჩევანი გაერთიანდნენ. ამის შესახებ რამდენიმე წუთის წინ გამართულ ბრიფინგზე პაატა ბურჭულაძემ განაცხადა. გაერთიანებას ერქმევა პლატფორმა "პაატა ბურჭულაძე-სახელმწიფო ხალხისთვის".

"მე დიდი მადლობა მინდა, გადავუხადო ჩვენს ყოფილ კოლეგებს, ახლა კი თანაგუნდელებს, რომლებიც შემოგვიერთდნენ ზუსტად მაშინ, როდესაც ჩვენს გუნდზე მიმდინარეობდა ძალიან დიდი ზეწოლა და დღესაც არის ძალიან დიდი პოლიტიკური წნეხი ჩვენზე. დღეიდან, ეს ბატონიშვილები ჩვენთან ერთად გაინაწილებენ ამ წნეხს, რისთვისაც მათ დიდ მადლობას ვუხდი, ეს გმირობის ტოლფასია. ჩვენ იმედის თვალით შემოგვყურებს მთელი საქართველო, უფრო სწორად 80%-ზე მეტი საქართველო, ვისაც უჭირს და ჩვენ ვიძლევით პირობას, რომ როგორც კი მოვალთ ხელისუფლებაში, ჩვენ მათ ცხოვრებას შევცვლით უკეთესობისკენ, საგრძნობლად უკეთესობისკენ და არა 4 წლის მერე, არამედ პირველივე თვეებში ისინი იგრძნობენ ამას. ცოტა დრო დარჩა მოთმინებისთვის, მე მინდა კიდევ გამოვაცხადო, რომ ჩვენი კარი ღიაა ყველასთვის, ვინც იზიარებს ჩვენს ხედვებს, რომლებიც თქვენ კარგად იცით - ეს არის პროდასავლური, ნატოში გაწევრიანება. ჩვენი ხედვები არის სწრაფი ეკონომიკური ზრდა და რაც მთავარია, სამართლიანი საქართველო. ცოტა დრო დარჩა და ყველაფერი ძალიან კარგად იქნება" - განაცხადა ბურჭულაძემ.

გირჩმა, ახალმა საქართველომ და ახალმა მემარჯვენეებმა თანამშრომლობა პაატა ბურჭულაძეს გუშინ შესთავაზეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან