დღეს, 15 საათზე, სასტუმრო „თბილისი მერიოტში“  საქართველოს სავაჭრო-სამრეწველო პალატის ორგანიზებით,  ქართულ-თურქული ბიზეს-ფორუმი გაიმართება. ღონისძიება თურქეთის სოფლის მეურნეობისა და სურსათის მინისტრის საქართველოში ვიზიტის ფარგლებში დაიგეგმა. 

ღონისძიება  სავაჭრო-სამრეწველო პალატის პრეზიდენტის- ნინო ჩიქოვანის მისასალმებელი სიტყვით გაიხსნება, რომელიც ასევე  ღონისძიების მოდერატორი იქნება. შემდეგ კი ბიზნეს-სექტორს სიტყვით საქართველოსა და თურქეთის სოფლის მეურნეობის მინისტრები - ოთარ დანელია და ფარუკ სელიკი მიმართავენ.  

მისასალმებელი განცხადებების შემდეგ ღონისძიება სოფლის მეურნეობის სექტორის ზოგადი მიმოხილვით გაგრძელდება.  პრეზენტაციების ფორმატში მხარეები ერთმანეთს სოფლის მეურნეობის სფეროში დაგროვილ გამოცდილებას გაუზიარებენ. საქართველოს სოფლის მეურნეობის სამინისტრო კოლეგებს ამ კუთხით დაგეგმილ და მიმდინარე რეფორმებს გააცნობს. შეჯამებისთვის კი საქართველოს სავაჭრო-სამრეწველო პალატის საერთაშორისო ურთიერთობების სამსახურის უფროსი  - გიორგი ვეკუა შეკრებილი ბიზნეს-სექტორისთვის ქვეყნის ეკონომიკის ზოგად მიმოხილვას წარადგენს. პრეზენტაციების შემდეგ დაგეგმილია ორმხრივი შეხვედრები ბიზნესისთვის. ღონისძიებას 100-მდე ქართული და თურქული კომპანიის წარმომადგენლები დაესწრებიან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები

ირანის ბლოკადის აღდგენის შემდეგ თეირანთან დაკავშირებული დაკავებული სავაჭრო გემების რაოდენობამ 115-ს მიაღწია.

თბილისის 21-ე სკოლაში რამდენიმეკვირიანი სარეაბილიტაციო სამუშაოები ჩატარდება, რის შემდეგაც სწავლა იმავე შენობაში განახლდება

შსს - კახეთში 100 კგ-მდე კანაფი ამოიღეს, დაკავებულია 3 პირი