ექსპერტი უსაფრთხოების საკითხებშ ნიკა ჩიტაძე „ექსპრესნიუსთან“ საუბრისას აცხადებს, რომ ე.წ. სამხრეთ ოსეთში რუსეთის მიერ დაწყებული სამხედრო წვრთნების ერთ-ერთი მიზანი ქართულ საზოგადოებაში პანიკის დათესვა და პოლიტიკური შანტაჟია.

თუმცა, ექსპერტი ასევე აღნიშნავს, რომ ამ ეტაპზე საქართველო რუსეთის მხრიდან ფართომასშტაბიან სამხედრო აგრესიას არ უნდა ელოდოს.

„რუსეთი ჩრდილოეთ კავკასიასა და საქართველოს ოკუპირებულ ტერიტორიებზე სამხედრო წვრთნებს ყოველწლიურად ატარებს. აღნიშნული წვრთნების ერთ-ერთი მიზანი პოლიტიკური შანტაჟია, რომ ქართულ საზოგადოებაში პანიკა დათესონ. გარდა ამისა, რუსეთს ამ წვრთნებით სურს, საერთაშორისო საზოგადოებას დაანახოს, რომ ის სამხრეთ კავკასიის რეგიონის რეალური ბატონ-პატრონია. შეიძლება, რუსეთის მხრიდან გარკვეული პროვოკაციები იყოს, მაგრამ ჩვენ არ უნდა ველოდოთ 2008 წლის აგვისტოში განხორციელებულ  ფართომასშტაბიან სამხედრო მოქმედებას. რუსეთი საქართველოზე ზეწოლას ეცდება, მაგრამ არა ქვეყანაში შემოჭრის გზით. ეს წვრთნები შეიძლება უკავშირდებოდეს საქართველოს აგრესიულ განცხადებას, რომელიც 8 წლის შემდეგ საქართველო-რუსეთის ომს უკავშირდებოდეს“, - აცხადებს ჩიტაძე.

შეგახსენებთ, რომ ოკუპირებულ ე.წ. სამხრეთ ოსეთში რუსეთმა ფართომასშტაბიანი სამხედრო წვრთნა დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში