დევნილთა და განსახლების სამინისტროში დღეს  შეხვედრა შედგა, რომელზეც მინისტრმა სოზარ სუბარმა ახალი ინიციატივა გააჟღერა. ქართველი ბიზნესმენების ხელშეწყობით, 6 დევნილი სტუდენტის სწავლა დაფინანსდება.

ამის შესახებ „ექსპრესნიუსს“ ლტოლვილთა და დევნილთა სამინისტროდან აცნობეს.

სუბარის განცხადებით,  დევნილთა საცხოვრებლით უზრუნველყოფა დღევანდელი პრიორიტეტია, განათლებისათვის ხელშეწყობა კი, სამომავლო და ამდენად, ძალიან მნიშვნელოვანი. 

ამასთან, სუბარმა მადლობა გადაუხადა „გორმედისა“ და „ავერსის“ ხელმძღვანელებს სამინისტროს ინიციატივის გაზიარებისა და დევნილი  სტუდენტების მხარდაჭერისთვის. 

„გორმედის“ ხელმძღვანელმა გია სვანიძემ აღნიშნა, რომ მათ მემორანდუმი აქვთ გაფორმებული დევნილთა და განსახლების სამინისტროსთან და ამ ფარგლებში არაერთი სასიკეთო საქმე გაკეთდა დევნილთა დასახმარებლად, თუმცა, ბოლო ინიციატივა ჩვენთვის საინტერესოა იმ თვალსაზრისით, რომ იგი ჩვენი ქვეყნის მომავალს ეხება და ამდენად, მნიშვნელოვანია.

„ავერსის“ ხელმძღვანელმა პაატა კურტანიძემ წარმატებები უსურვა სტუდენტებს და მომავალში მათ დასაქმებაზე მზადყოვნა გამოთქვა. 

ამ ეტაპზე 6 დევნილი სტუდენტის სწავლა დაფინანსდება. 2 მათგანი შიდა ქართლიდან, 4 კი აფხაზეთიდან დევნილი სოციალურად დაუცველი ოჯახიდანაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს