წინასწარი ინფორმაციით, ნიუ–ჯერსიში ქართველი სამხედროების გარდაცვალების მიზეზი მოყინული გზა გახდა. 

როგორც აშშ–ში საქართველოს გენერალური კონსული დიანა ჟღენტი „რუსთავი 2“–ის ეთერში აცხადებს, ავტომანქანას, რომელშიც ქართველი სამხედროებიც ისხნენ,  ამერიკის მოქალაქე მართავდა. 

მისივე თქმით, ავტოკატასტროფის ადგილი მოყინული იყო, ხილვადობა – ცუდი. მოყინულ გზაზე კი,  ავტომანქანა, სადაც ისინი ისხდნენ,  მოსრიალდა და საპირისპიროდ მომავალ მანქანას დაეჯახა. 

ჟღენტის ინფორმაციით, ქართველი სამხედროების საქართველოში გადმოსვენების პროცედურები დაჩქარებული წესით მიმდინარეობს. 

„შემთხვევა ღამის საათებში მოხდა. წინასწარი მონაცემებით, რადგან გზა მოყინული და ძალიან ცუდი ხილვადობა იყო, მანქანა მოსრიალდა და საპირისპიროდ მომავალ მანქანას შეეჯახა. ამ ეტაპზე ყველანაირი ფორმალური მხარის მოგვარება მიმდინარეობს. ყველაფერი კეთდება იმისთვის, რომ ქართველი სამხედროები საქართველოში მაქსიმალურად სწრაფად იყვნენ გადმოსვენებულები“, – აღნიშნა ჟღენტმა. 

ცნობისთვის, რიგითი სოსო ალექსანდრეს ძე მაკარიძე და რიგითი ბესარიონ კახას ძე გორჯოლაძე ნიუ-ჯერსის შტატში მომხდარი ავტოავარიის შედეგად დაიღუპნენ.  ორივე ახალგაზრდა დავით აღმაშენებლის სახელობის საქართველოს ეროვნული თავდაცვის აკადემიაში მსმენელად ირიცხებოდა და აშშ-ის საზღვაო თავდაცვის აკადემიაში სწავლობდა.  რიგითი სოსო მაკარიძე ნიუ-ჯერსიში აშშ-ის საზღვაო თავდაცვის აკადემიის IV დამამთავრებელი კურსის მსმენელი იყო. ის აკადემიაში 2011 წლიდან სწავლობდა. II კურსის მსმენელი, რიგითი ბესარიონ გორჯოლაძე საზღვაო თავდაცვის აკადემიაში 2013 წლიდან ირიცხებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია