საერთაშორისო საზოგადოება მზად არ არის, ადეკვატური პასუხი გასცეს იმას, რაც 8 წლის წინ მოხდა, მაგრამ ქართველი ხალხი ერთმუშტად არის შეკრული, - ამის შესახებ საქართველოს პარლამენტის თავმჯდომარემ დავით უსუფაშვილმა ჟურნალისტებს მუხათგვერდის ძმათა სასაფლაოზე განუცხადა.

უსუფაშვილმა აგვისტოს ომში დაღუპულთა ხსოვნას პატივი მიაგო და აღნიშნა, რომ 8 წლის შემდეგ, ომის ტრაგედია და ტკივილიც უფრო მწვავედ აღიქმება, „რადგან იმ უბედურებაზე, რაც მოხდა, პასუხი გაცემული არ არის“.

"8 წელი გავიდა საშინელი ტრაგედიიდან. 8 წლის განმავლობაში ბევრი რამ მოხდა, მათ შორის ისიც, რომ ჩვენ ყველა ერთად უფრო და უფრო უკეთ ვიაზრებთ იმ გმირობას, რომელიც ჩაიდინეს ჩვენმა თანამოქალაქეებმა, ჩვენმა სამხედრო მოსამსახურეებმა, სამოქალაქო პირებმა. ის ტრაგედიაც და ის ტკივილიც ალბათ რვაჯერ უფრო მძიმედ და მწვავედ აღიქმება. პირველ რიგში იმიტომ, რომ პასუხი არ არის გაცემული იმ უბედურებაზე რაც მოხდა“, - განაცხადა  პარლამენტის თავმჯდომარემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში პუტინის წარმომადგენელი იმყოფებოდა

როგორ მივიღოთ მონაცემებზე დაფუძნებული გადაწყვეტილებები ბიზნესში

პაპუაშვილი - ბრიუსელის იდეა, მოახდინოს ქვეყნების უფლებრივი სეგრეგაცია, რადიკალურად ცვლის ევროკავშირის პრინციპს

ორი კვირის შემდეგ მტკვარში გადავარდნილი ავტომობილის მძღოლის ცხედარი იპოვეს