ალასანია: დარწმუნებული ვარ, გამოძიება დადებს შედეგს, რომ ომი რუსეთმა დაიწყო

2016-08-08 13:23:44, 678 ნახვა

პოლიტიკა

"თავისუფალი დემოკრატების" თავმჯდომარის ირაკლი ალასანიას განცხადებით, გამოძიება, რომელსაც აგვისტოს ომთან დაკავშირებით საერთაშორისო სისხლის სამართლის სასამართლო აწარმოებს, იტყვის, რომ ომი რუსეთის ფედერაციამ დაიწყო და საქართველო არის მსხვერპლი ამ დაპირისპირებაში:

მაგრამ მეორეს მხრივ, მგონია, ჩვენ არასდროს უნდა შევიტანოთ ჩვენი ჩვენს სიმართლეში. ჩვენ ვართ მართლები ქვეყნის, ღმ,ერთის ჩვენი ხალხის წინაშე, იმაშიც ვარ დარწმუნებული, რომ სიმარტლე დადგინდება ყტველა საერთაშორისო ორგანიზაციის მიერ. მთავარია, ვიზრუნოთ იმაზე, თუ როგორ აღვადგინოთ ურთიერტობები აფხაზებთან, ოსებთან. ამას სჭირდება სახალხო დიპლომატია, საერთო მომავლის დანახვა და ისეთი სტაბილური პოლიტიკური კლიმატი საქართველოში, რომ მატ მოუნდეთ ჩვენთან ერთად ერთობლივად სახელმწიფოს შენება",-აღნიშნა ალასანიამ.

აგვისტოს ომიდან დღეს 8 წელი გავიდა.

რუსეთ-საქართველოს ომი — ასევე ცნობილი, როგორც 2008 წლის სამხრეთ ოსეთის ომი, შეიარაღებული კონფლიქტი 2008 წლის აგვისტოში, ერთი მხრივ საქართველოსა და მეორე მხრივ რუსეთის ფედერაციას შორის, ოს და აფხაზ სეპარატისტებთან ერთად.

ომი დაიწყო ქართულ ჯარებსა და რუსი სამხედროებით ზურგგამაგრებულ ოს სეპარატისტთა შორის კონფლიქტით ცხინვალის რეგიონში.

ევროკავშირის თავმჯდომარე საფრანგეთის პრეზიდენტის შუამდგომლობით, კონფლიქტურმა მხარეებმა 12 აგვისტოს მიაღწიეს ცეცხლის შეწყვეტის შეთანხმებას, რომელსაც საქართველომ თბილისში 15 აგვისტოს მოაწერა ხელი, ხოლო რუსეთმა მოსკოვში — 16 აგვისტოს. შეთანხმების ხელმოწერის შემდეგ, რუსეთმა საკუთარი ჯარების უმეტესი ნაწილი სამეგრელოს და შიდა ქართლის რეგიონებიდან გაიყვანა. თუმცა ამასთან ბუფერული ზონები შექმნა აფხაზეთისა და სამხრეთ ოსეთის საზღვრების გასწვრივ და სათვალთვალო პუნქტები დატოვა ფოთში, სენაკსა და პერევში.

2008 წლის 26 აგვისტოს რუსეთმა სამხრეთ ოსეთისა და აფხაზეთის დამოუკიდებლობა ცნო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან