„საწყის ეტაპზე ისევე როგორც ადრე შსს-თან ერთად   განხორციელდება  მონიტორინგი“,-ამის შესახებ შრომის, ჯანმრთელობისა და სოციალური დაცვის მინისტრმა დავით სერგეენკომ  ფსიქოტროპული მედიკამენტების ურეცეპტოდ გაცემასთან დაკავშირებით ბრიფინგზე განაცხადა.

როგორც მინისტრმა აღნიშნა, აფთიაქების  მონიტორინგი 24 საათიან, უწყვეტ რეჟიმში იმუშავებს.

„შსს-სთან ერთად, ისევე როგორც ადრე  განხორციელდება მონიტორინგი 24 საათიან, უწყვეტ რეჟიმში. მორიგეობა იქნება, გარდა გეგმიური შემოწმებისა, ჯანდაცვის სამინისტროს ცხელი ხაზი იმუშავებს.  1505-ზე შემოსულ შეტყობინებაზე, აფთიაქებში,  სადაც ადგილი ექნება მედიკამენტების ურეცეპტოდ გაცემას, დაუყოვნებლივ  გავა მონიტორინგის  ბრიგადები და მოახდენს რეაგირებას. ეს პროცესი გაგრძელდება იქამდე სანამდეც საჭირო იქნება“,-განაცხადა  სერგეენკომ.

 როგორც სერგეენკომ აღნიშნა, გამოიკვეთა არაკეთილსინდისიერი აფთიაქები, რომლებიც რეგულირებას იყენებდნენ იმისთვის, რომ გარკვეული ხეირი მიეღოთ.

„მედიკამენტები, რომლებიც ცალსახად არ შეიძლება რეცეპტის გარეშე გაიყიდოს, ყოველგვარი შეზღუდვის  გარეშე ყიდიდნენ.  მიუხედავად ამ გადადგმული ნაბიჯებისა და რეფორმებისა ამ სფეროში მართლაც ყურადსაღები ვითარებაა. რამდენიმე ცვლილება შეგვიძლია დავაჯგუფოთ ორ ნაწილად. პირველი: ჩვენ არ ვამკაცრებთ კანონს, ჩვენ ვახდენთ დაზუსტებას სანოტარო პირობებში, სადაც გაწერილი იქნება  ფარმაცევტის  პასუხისმგებლობები და შესაბამისად, შევქმენით ინსტრუმენტი, რომ ფარმაცევტს პასუხისმგებლობა დაეკისროს. თუკი ისინი არაჯეროვნად შეასრულებენ თავიანთ პროფესიულ საქმიანობას. იგივე ლოგიკა ვრცელდება  ნებისმიერ სპეციალისტ ექიმზე. ჯანდაცვის სამინისტროში არის პროფესიული განვითარების საბჭო, როდესაც თუ დადგენილი წესის განხილვისას გამოიკვეთა, რომ თუ რომელიმე ექიმი, სპეციალისტი თავის საქმეს არაჯეროვნად ასრულებს. ჩვენ გვაქვს ზემოქმედების საშუალებები.  ფარმაცევტი, რომლიც დაარღვევს პროფესიულ საქმიანობას გაწერილი წესის მიხედვით, 3 წლის განმავლობაში ვერ იმუშავებს აფთიაქში. მეორე მნიშვნელოვანი ცვლილება ის, რომ მეწარეებს ზოგადად არ აქვთ შეზღუდული პარალალური აქტივობების კეთება. მაგალითად:  ადამიანს თუ აქვს ავტომობილის შემკეთებელი დაწესებულება და პარალელურად, რომ  გახსნას ფსიქოტროპული აფთიაქი. ასეთი ადამიანები ვერ  მიიღებენ საქმიანობის ნებართვას იმ შემთხვევაში თუ აქვთ სამართალდარღვევა, იყვნენ ნასამართლევი ან ბიუჯეტის წინაშე აქვთ დავალიანება. დღეიდან ძალაში შევა ზემოქმედების ეს ორი ინსტრუმენტი“,-განაცხადა დავით სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია