დეპუტატ თამაზ მეჭიაურის შეფასებით, ლევან იზორია გაცილებით უკეთესი თავდაცვის მინისტრი ვიდრე მისი წინამორბედი.

როგორც მეჭიაურმა „ექსპრესნიუსს“ განუცხადა, იზორია გაუწონასწორებელ ნაბიჯს არ გადადგამს.

„ლევან იზორია ნორმალური პიროვნებაა, გაცილებით უკეთესი ვიდრე წინა მინისტრი. შემიძლია უფრო მშვიდად ვიყო. ის გაუწონასწორებელ ნაბიჯს არ გადადგამს“, - განაცხადა მეჭიაურმა.

მეჭიაური ასევე დადებითად აფასებს შერიგებისა და სამოქალაქო თანასწორობის საკითხებში სახელმწიფო მინისტრად ქეთევან ციხელაშვილის წარდგენას.

„ქეთევან ციხელაშვილს დადებით პიროვნებად ვიცნობ“, - აღნიშნა მეჭიაურმა.

ცნობისთვის, თავდაცვის მინისტრი ლევან იზორია, ხოლო შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი იქნება.

ახალი მინისტრები პრემიერ-მინისტრმა გიორგი კვირიკაშვილმა მთავრობის ადმინისტრაციაში გამართულ ბრიფინგზე წარადგინა.

ქეთევან ციხელაშვილ ამ დრომდე სახელმწიფო მინისტრის პირველი მოადგილის პოსტს იკავებდა, ლევან იზორია კი, სახელმწიფო უსაფრთხოების სამსახურის უფროსის მოადგილე იყო.

შეგახსენებთ, თავდაცვის მინისტრის თანამდებობას აქამდე თინა ხიდაშელი იკავებდა, შერიგებისა და სამოქალაქო საკითხებში სახელმწიფო მინისტრის პოსტს კი, პაატა ზაქარეიშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა