„თავისუფლებისა და მუსიკის სამი დღე საფესტივალო ქალაქ LISI WONDERLAND-ში“ - სამხრეთ კავკასიის ყველაზე მასშტაბური, ყოველწლიური მუსიკალური ფესტივალი, TBILISI OPEN AIR 2016 გაიხსნა.

გუშინ მთავარ სცენაზე პირველი გამომსვლელი რუსული ჯგუფი Motorama იყო. შემდეგ კი, ბრიტანული ჯგუფის Morcheeba წევრებმა - Skye-მ და Ross–მა განსაკუთრებულად აიყოლიეს მსმენელი. Skye–ს ქარიზმამ ხალხის დიდი ნაწილი მასთან ერთად ააცეკვა.  29 ივლისის ჰედლაინერი ჯგუფი ფრანგული მუსიკალური ბენდი Air იყო. მსმენელის განსაკუთრებული მოწონება ორმა ჰიტმა „How does it make you feel” და “Sexy boy” დაიმსახურა.

TBILISI OPEN AIR 2016-ზე მისულ მსმენელს, მუსიკის გარდა მრავალფეროვანი აქტივობები დახვდა: სათამაშო მოედანი "PLAYGROUND", ილიაუნის ასტრო ზონა, ზღაპრის ზონა, საკითხავი ზონა, 20-მდე კაფე-ბარი.

დღეს საფესტივალო ქალაქში შესვლა 16:50 საათიდან იქნება შესაძლებელი. ჰედლაინერი ბრიტანული მუსიკალური ჯგუფი Unkle იქნება. გარდა ამისა, დღეს ფესტივალის ერთ–ერთი მთავარი მოვლენა ამერიკელი გიტარისტი Steven Siro იგივე "Steve" Vai .

ორგანიზატორები შეგვახსენებენ, რომ ფესტივალის დღეებში (29, 30 და 31 ივლისი) ბილეთები გაიყიდება მხოლოდ ადგილზე, საფესტივალო ქალაქის შესასვლელში, ასევე ონლაინ @ www.tbilisiopenair.ge/ge და TBC PAY-ს ტერმინალებში. ადგილზე აბონიმენტები აღარ გაიყიდება, აქ მხოლოდ დღიური ბილეთების შეძენა იქნება შესაძლებელი. იმისათვის, რომ არ შეგექმნათ ფესტივალზე შესვლის პრობლემა, ნუ შეიძენთ ბილეთებს არაოფიციალური პირებისგან.

ცნობისთვის, 29 ივლისიდან 31 ივლისის ჩათვლით, TBILISI OPEN AIR 2016-ის უფასო ავტობუსები გავა დელისის მეტროდან LISI WONDERLAND-ამდე.

ფოტო რეპორტაჟი

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში