„ძალიან გაკვირვებული ვარ, პრეზიდენტს მაშინ რატომ არ ჰქონდა მყისიერი რეაგირება და რატომ საუბრობას ახლა?!“,-ასე გამოეხმაურა „ეროვნული ფორუმის“ ერთ-ერთი ლიდერი ანი მიროტაძე „ექსპრესნიუსთან“ საუბარში  პრეზიდენტის განცხადებას, რომლის თანახმადაც ერთი თვის წინ, სამართალდამცავების ჩართვით, მის ოჯახის წევრზე  ზეწოლის მცდელობა იყო.

მიროტაძის თქმით, პრეზიდენტი შეიძლება „შოთაძის უწყებას“ არ ენდობა, მაგრამ  ის ვალდებული იყო, შესაბამისი ორგანოებისთვის საჩივარით მიემართა.

„მე ვარ გაოგნებული და  ძალიან  მიკვირს პრეზიდენტმა  რატომ არ მიმართა შესაბამის ორგანოებს. ძალიან გაკვირვებული ვარ, მაშინ პრეზიდენტს რატომ არ ჰქონდა მყისიერი რეაგირება და რატომ საუბრობს ახლა?!  მესმის,  ის შეიძლება არ ენდობა „შოთაძის უწყებას“, შეიძლება მეც არ ვენდობოდე, შეიძლება კვალიფიკაციის პრობლემა იყოს,  მაგრამ ეს  პროცედურულად  პრეზიდენტს უნდა გაეკეთებინა. მაშინ როცა პრეზიდენტი ხარ ვალდებული ხარ ეს გააკეთო. თუ პირველი პირი არის ქვეყანაში დაუცველი, მაშინ რა უნდა თქვას რიგითმა მოქალაქემ?!  ის  იფიქრებს, რომ არის დაუცველი. თუ პრეზიდენტმა  არ დაწერა განცხადება, ამ შემთხვევაში  რამდენად სწრაფად იმოქმედებს ახლა პროკურატურა საჩივრის არარსებობის შემთხვევაშიც კი, მათ  კარგად უნდა გაითვალისწინონ  ის, რომ პირველი პირი ლაპარაკობს ამის შესახებ.  პროკურატურა საინტერესოა რამდენად სწრაფად და მყისიერად დაიწყებს გამოძიებას და როგორი იქნება ამ გამოძიების შედეგი. წინააღმდეგ შემთხვევაში მე დამრჩება იმის განცდა, რომ პრეზიდენტი მართალია. ველოდები დღის ბოლომდე პროკურატურის როდესაც პირველი პირი აცხადებს ძალოვანი სტრუქტურების  თავნებობაზე, სახელმწიფოს თუ თავმოყვარეობა აქვს ვალდებულია რაც შეიძლება სწრაფად დაიწყოს ამ თემაზე  გამოძიება“, - განაცხადა ანი მიროტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო