„ნაციონალური მოძრაობის“ სიის პირველი ნომერი აჭარაში, ლევან ვარშალომიძე აუდიტის სამსახურში გამოკითხვაზე რამდენიმე წუთის წინ მივიდა.

იგი უწყებაში ადვოკატის გარეშე გამოცხადდა.

 „მიზეზი ყველამ კარგად იცის, ეს არის ჩვენი პროგრამა - სოციალური სახლი, რომელიც სამი კატეგორიას - ავარიული სახლების შეკეთებას, მეწყერსაშიში ზონიდან ხალხის ჩამოყვანასა და ოცნების ქალაქებში მყოფი მოსახლეობისთვის ბინების გადაცემაა. შევდივართ, გავესაუბრებით და გამოსვლისას გეტყვით პასუხს. გამოკითხვაზე ადვოკატის გარეშე მოვედი. მთავარი მოლოდინი არის ერთი, რომ ჩვენ ამ სახლებს მაინც ავაშენებთ“, - განაცხადა ვარშალომიძემ.

აუდიტის სამსხურთან მისულები არიან „ნაციონალური მოძრაობისა“ და რამდენიმე არასამთავრობო ორგანიზაციის წევრები, რომლებიც ლევან ვარშალომიძის გამოკითხვას აპროტესტებენ. მათთვის გაუგებარია თუ რატომ ხდება არშალომიძის გამოკითხვა.

შეგახსენებთ, რომ უკვე რამოდენიმე დღეა აჭარაში მოქალაქეებთან ხელშეკრულებების გაფორმება მიმდინარეობს, რაც მომავალში სოციალური სახლების მშენებლობას ითვალისწინებს. აჭარაში „ნაციონალური მოძრაობის“ გამარჯვების შემთხვევაში 4 წლის განმალობაში  ამ სახლების მშენებლობა იგეგმება. ამ პროექტის ფარგლებში, დაახლოებით, 120 მილიონი ლარი დაიხარჯება და 40-ზე მეტი საცხოვრებელი კორპუსი აშენდება.

ცნობისთვის, რამდენიმე დღის წინ „საერთაშორისო გამჭირვალობა - საქართველომ“ განცხადება გაავრცელა, სადაც ნათქვამია, რომ ბათუმში „ერთიანი ნაციონალური მოძრაობის ქმედება, შესაძლოა, საარჩევნო კოდექსით აკრძალულ ამომრჩეველთა მოსყიდვის ნიშნებს შეიცავდეს. 

არასამთავრობო ორგანიზაცია  საქართველოს ცენტრალურ საარჩევნო კომისიას მოუწოდებს აღნიშნული ფაქტით დაინტერესდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო