საქართველოს შეიარაღებული ძალების V ქვეითი ბრიგადის სასწავლო აუდიტორიაში სამეთაურო-საშტაბო სწავლება მიმდინარეობს.

თავდაცვის სამინისტროს ინფორმაციით, დღეს, სწავლებას გენერალური შტაბის უფროსი, გენერალ-მაიორი ვახტანგ კაპანაძე დაესწრო. ის სწავლების მიმდინარეობას ადგილზე გაეცნო და ქართულ ქვედანაყოფს წარმატება უსურვა.

ქართველი სამხედროები სწავლებას აშშ-ის თავდაცვის სისტემის გამოყენებითი ჯგუფის - CUBIC-ის წარმომადგენლებთან ერთად ატარებენ. წვრთნების დაგეგმვასა და სწავლებაზე დაკვირვებას სახმელეთო ჯარების აღმოსავლეთ სარდლობა ახორციელებს. საბრძოლო მომზადების გეგმის თანახმად, აღნიშნული სწავლება „დიდგორი 2015“-ის სწავლების მოსამზადებელ ფაზას წარმოადგენს.

სამეთაურო-საშტაბო სწავლება რამდენიმე ეტაპს მოიცავს. პირველი ეტაპი V ბრიგადის შტაბის და დაქვემდებარებული ბატალიონების შტაბების პირადი შემადგენლობის მონაწილეობით 23 თებერვალს დაიწყო და 13 მარტს დასრულდება. ამ ეტაპზე ოპერაციების რაიონებში გასვლა და ადგილმდებარეობაზე რეკოგნოსირების ჩატარება გახორციელდა, რომლის ფარგლებშიც საბრძოლო ფუნქციების სინქრონიაზაცია და საცეცხლე სისტემების ინტრეგრირება მოხდება.

ცნობისთვის, სწავლების შემდეგ ეტაპებზე V ბრიგადისა და ბატალიონების შტაბები პირველ ეტაპზე მიღებულ სამოქმედო გეგმას ეროვნულ სასწავლო ცენტრ „კრწანისში“ სიმულაციური საშუალების გამოყენებით განახორციელებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს