საქართველოს იუსტიციის მინისტრი თეა წულუკიანი კონფერენცია “საქართველოს ევროპული გზის” ფარგლებში  რუმინეთის პარლამენტის ევროპულ საქმეთა კომიტეტის თავმჯდომარე ანა ბირჩალს შეხვდა. 

​სამინისტროს ინფორმაციით, შეხვედრის მთავარი თემა ევროკავშირთან ასოცირების შეთანხმება და ვიზალიბერალიზაციის მიმდინარე პროცესი იყო. რუმინეთის პარლამენტის წევრმა განაცხადა, რომ რუმინელი ხალხისა და მთავრობის დიდი სურვილია, საქართველო გახდეს ევროპული ოჯახის სრულუფლებიანი წევრი. 

“ჩვენ ყველაფერს ვაკეთებთ იმისათვის, რომ დავეხმაროთ საქართველოს. ჩვენი მხარდამჭერი განცხადებები არ არის მხოლოდ ცარიელი სიტყვები, საქმით ვცდილობთ, დაგეხმაროთ. მინდა, რაც შეიძლება მალე მიიღოთ უვიზო მიმოსვლის უფლება ევროკავშირთან, რადგან არ მსურს, ქართველმა ხალხმა გაჭიანურებული პროცესის გამო ფრუსტრაცია განიცადოს, ხოლო მთავრობას, პირადად თქვენ, რომელიც ამდენს აკეთებთ ამ პროცესის წარმატებისთვის, საქართველოს მოსახელობისთვის იმის ახსნა მოგიწიოთ, რატომ ჭიანურდება პროცესი. ამ პროცესის ხელშეწყობისთვის ჩემი მთავრობა, პარლამენტი და პირდად მე ყველაფერს ვაკეთებთ, თუმცა დღეს  აქ იმისათვის ვარ, რომ გკითხოთ, კიდევ რისი გაკეთება შეგვიძლია”, - განაცხადა ანა ბირჩალმა. 

იუსტიციის მინისტრმა რუმინელ პარლამენტარს დიდი მადლობა გადაუხადა ასეთი მხარდაჭერისთვის და აღნიშნა, რომ “რუმინეთი არის სწორედ ის ქვეყანა, რომელიც არ საჭიროებს დახმარების თხოვნას და თავად მუშაობს საქართველოსთან ერთად ჩვენი ქვეყნის წარმატებისთვის”. მინისტრმა, ასევე, ისაუბრა თავის რუმინელ კოლეგასთან შეხვედრის შესახებ, რომელიც ცოტა ხნის წინ, სამუშაო ვიზიტით იმყოფებოდა საქართველოში. 

საქართველოს იუსტიციის მინისტრი და რუმინეთის ევროპულ საქმეთა კომიტეტის თავმჯდომარე შეთანხმდნენ, რომ სასამართლოს რეფორმირების პროცესში გარღმავდება დახმარება, რომელშიც რუმინეთის პარლამენტის სასამართლოს საქმეთა კომიტეტი ჩაერთვება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფინეთი საზღვრის ტანკსაწინააღმდეგო თხრილების გაყვანას გეგმავს

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ