ქონებრივი სამართლიანობის აღდგენის პროცესი 2012 წლიდან დღემდე მხოლოდ ერთეულ საქმეებს შეეხო. უამრავი ბიზნესმენი, რომელსაც კუთვნილი ქონება ან იძულების წესით ჩამოართვეს, ან სულაც საკუთარი ხელით "აჩუქებინეს" "ქართული ოცნების" მთავარი დანაპირების - სამართლიანობის აღდგენის შესრულებას დღემდე ელოდება.

სპეციალური დეპარტამენტი, რომელიც პროკურატურაში შეიქმნა, მათი ხმამაღალი განცხადებებისა და ხმაურიანი პრეზენტაციის მიუხედავად, არც ისე შედეგიანი აღმოჩნდა. პროკურატურა ამას მტკიცებულებების არქონით ხსნის, საზოგადოების დიდი ნაწილი კი პროკურატურის არაეფექტური მუშაობით.

რა პასუხი აქვს "ქართულ ოცნებას" თავისი ამომრჩევლისთვის, რომელიც მისგან ამ პირობის შესრულებას ელოდებოდა და რას პირდებიან 2016 წლის საპარლამენტო რჩევნებისთვის? ქონებრივი სამართლიანობის აღდგენის თემაზე "აიპრესი" საპარლამენტო უმრავლესობის წევრს, ლუკა კურტანიძეს ესაუბრა

„ იცით რომ თითეულ საქმეზე მიმდინარეობს ძიება. ძიების გარეშე სამართლებრივად ვერ იქნება სახელმწიფოსაგან სწორი, რაიმე გადაწყვეტილების მიღება. თითოეულ საქმეს ჭირდება  ძალიან დიდი დრო და ამასთანავე დიდი თანხები“, - განაცხადა საპარლამენტო უმრავლესობის წევრმა ლუკა კურტანიძემ ,,აიპრესთან“.

 კურტანიძე მიიჩნევს, რომ წართმეული ქონების მეპატრონეებისთვს დაბრუნება, ხანგრძლივი პროცესია და ამას  3 წელი არ ეყოფოდა.

 „ვფიქრობ ბევრი სუბიექტური და ობიექტური მიზეზი არსებობს  იმისთვის,  რომ თითოეულ საქმეს სჭირდება გამოძიება,  იმისთვის რომ სრულფასოვანი ფაქტები და არგუმენტები არსებობდეს.  3 წელიწად ნახევარში ყველაფრის მოსწრება ვერ მოხერხდებოდა.  მაგრამ ამასთანავე, საზოგადოების აქტიურობაც საჭიროა იმისთვის, რომ ეს მიძინებული ტკივილები არ იქნას უვადოდ გადადებული და დაჩქარებული იყოს  ყველა პროცესი. პროკურატურაში უამრავი საჩივარია და თვითონ პროკურატურას არ ყოფნის ის რესურსი, რომელი რესურსიც დღეს მას გააჩნია საგამოძიებო კუთხით.  ვგულისხმობ ადამიანურ რესურს.

ამ ხელისუფლების პოლიტიკური ნებაა, რომ ეს საქმეები  ამ დროში განიხილოს.“- განაცხადა ლუკა კურტანიძემ ,,აიპრესთან“.

წყარო: Ipress

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა