დიდი ბრიტანეთის მოქმედი პრემიერმინისტრი დევიდ ქემერონი თანამდებობიდან გადადგომის მოთხოვნით დიდი ბრიტანეთის დედოფალს 13 ივლისს მიმართავს. BBC-ის ცნობით, დიდი ბრიტანეთის შინაგან საქმეთა მინისტრი ტერეზა მეი, დევიდ ქემერონის პოსტიდან გადადგომის შემდეგ, 13 ივლისს, საღამოს, დიდი ბრიტანეთის პრემიერმინისტრი გახდება.

ბრიტანეთის მოქმედი შინაგან საქმეთა მინისტრი კონსერვატიული პარტიის ლიდერობისა და პრემიერმინისტრობის ერთადერთი კანდიდატია. ტერეზა მეის ერთადერთმა მეტოქემ, დიდი ბრიტანეთის ენერგეტიკის მინისტრმა ანდრეა ლიდსომმა საკუთარი კანდიდატურა პრემიერმინისტრობისა და კონსერვატიული პარტიის ლიდერობის პოსტზე დღეს მოხსნა. საკუთარი გადაწყვეტილება ლიდსომმა საჭირო მხარდაჭერის უქონლობით ახსნა.

ცნობისთვის, დევიდ ქემერონი დიდი ბრიტანეთის პრემიერმინისტრობის პოსტს 2010 წლიდან იკავებს. გადადგომის შესახებ განცხადება ქემერონმა, 2016 წლის 23 ივნისს დიდ ბრიტანეთში გამართულ რეფერენდუმში ევროკავშირის წევრობის შესახებ Brexit-ის მომხრეთა გამარჯვების შემდეგ გააკეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს