ადვოკატ თეიმურაზე ჟღამაძის განცხადებით, შპს "ცენტრ პოინტი აჭარის" დირექტორ ირაკლი მინდელს ბრალი სისხლის სამართლის კოდექსის 182-ე მუხლით წაუყენეს და მას ჯგუფურად, დაახლოებით 18 მილიონი ლარის მითვისებას ედავებიან.

მისივე თქმით, ირაკლი მინდელი წარდგენილ ბრალს არ აღიარებს და თავს დამნაშავედ არ ცნობს და ამ ეტაპზე დუმილის უფლებას იყენებს.

"საქმის მასალებს არ ვიცნობ. არ გადმოუციათ. 6 საათზე ვარ დაბარებული, მაშინ როდესაც ბრალის წაყენებისთანავე უნდა მოეცათ მასალები. ირაკლი მინდელს ფინანსებთან შეხება არ ჰქონია. წარდგენილი ბრალი უკავშირდება გუკა რჩეულიშვილის დირექტორობის პერიოდს", - განაცხადა თეიმურაზ ჟღამაძემ.

თბილისის საქალაქო სასამართლომ ირაკლი მინდელისთვის აღკვეთი ღონისძიების შეფარდების საკითხი 48 საათში უნდა განიხილოს. ადვოკატის განცხადებით, იმ შემთხვევაში თუ პროკურატურამ აღკვეთ ღონისძიებად პატიმრობას მოითხოვს ალტერნატივის სახით სასამართლოს გირაოს შეფარდებას შესთავაზებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს

ნინო სუხიშვილი მიმართვას ავრცელებს

მიქაუტაძე ამბობს, რომ ბიზნესმენებისგან აღებული ფული გრიგოლ ლილუაშვილთან მიჰქონდა

სუს: ოკუპანტების მიერ 2025 წლის 5 დეკემბერს უკანონოდ დაკავებული მოქალაქე თავისუფალია