2016-07-10 14:52:15, 1189 ნახვა
სამართალი
პროკურატურა: გუკა რჩეულიშვილი დაკავებული არ არის
საქართველოს მთავარი პროკურატურა გუკა რჩეულიშვილის დაკავებას არ ადასტურებს. პროკურატურაში ასევე არ საუბრობენ იმის შესახებ, მიმდინარეობს თუ არა რჩეულიშვილის დაკავების ოპერაცია.
"ექსპრესნიუსს" მთავარ საგამოძიებო უწყებაში განუცხადეს, რომ დაკავებულია შპს „ცენტრ-პოინტი აჭარას“ დირექტორი ირაკლი მინდელი და გაყიდვების მენეჯერი სალომე ჩარკვიანი. უცნობია, რას უკავშირდება მათი დაკავება. აღნიშნულის შესახებ პროკურატურა განცხადებას მოგვიანებით გაავრცელებს.
შეგახსენებთ, დილიდან ვრცელდება ინფორმაცია, რომ გუკა რჩეულიშვილის დაკავების ოპერაცია მიმდინარეობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
