საქართველოს სტატუსი ნატო-ში მკაფიოა - ის არის ალიანსის მომავალი წევრი, შემდეგი ნაბიჯი კი ნატო-ს წევრობა უნდა იყოს, - ამის შესახებ ლიტვის საგარეო საქმეთა მინისტრმა ლინას ლინკევიჩუსმა ვარშავაში ჟურნალისტებს განუცხადა.

მინისტრის თქმით, საქართველოს ალიანსში გაწევრიანებისთვის საჭირო ყველა პრაქტიკული ინსტრუმენტი უკვე გააჩნია.

"საქართველოს ყველა პრაქტიკული ინსტრუმენტი მინიჭებული აქვს. პრაქტიკულად მას მეტი არაფერი სჭირდება. არსებობს ნატო-საქართველოს კომისია, საპასუხო მექანიზმი, მხარდამჭერი პაკეტი. ახლა საჭიროა პოლიტიკური გადაწყვეტილება, თუმცა მნიშვნელოვანია, რომ ორივე მხრიდან ძალისხმევა უფრო აქტიური გახდეს, უფრო ინტენსიურად ჩატარდეს წვრთნები, კრიზისების მართვის სწავლებები, სადაც ჩვენი სამხედროები ერთად შეძლებენ მონაწილეობას. საქართველომ უკვე დაამტკიცა, რომ არის აქტიური და სანდო მოკავშირე. ამიტომ საქართველოს სტატუსთან დაკავშირებით არაფერი შეცვლილა. ეს სტატუსი მკაფიოა - ალიანსის მომავალი წევრი, მომავალი ნაბიჯი წევრობა უნდა იყოს, ეს დროსთან არის დაკავშირებული. თავდაცვის მინისტრთან შეხვედრის შემდეგ მე ვნახე, რომ საქართველოს მხრიდან მოტივაცია არსებობს. ყველა კოლეგა ძალიან პოზიტიურად იყო განწყობილი. ვიმეოდვნებ, რომ საქართველო სულ უფრო მიუახლოვდება დასახულ მიზანს”, - განაცხადა ლინკევიჩუსმა.

ლინკევიჩუსის თქმით, საქართველოში დაგეგმილი არჩვენები იქნება მნიშვნელოვანი ეტაპი და გამოცდა, თუმცა ლიტველი პოლიტიკოსი დარწმუნებულია, რომ საქართველოს აქვს პოტენციალი კიდევ ერთხელ დაამტკიცოს, რომ ის მდგრადი დემოკრატიული სახელმწიფოა.

შეგახსენებთ, რომ ნატო-ს ვარშავის სამიტი მიმდინარეობს. სამიტში მონაწილეობას ქართული დელეგაციაც იღებს, რომელსაც საქართველოს პრეზიდენტი გიორგი მარგველაშვილი ხელმძღვანელობს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს