2016-07-06 13:05:18, 1127 ნახვა

---

პაპიძეს ვადაზე ადრე გათავისუფლების კომისიისთვის მიმართვა მხოლოდ 20-წლიანი პატიმრობის შემდეგ შეუძლია

შვილისა და მეუღლის მკვლელობაში ბრალდებულ მაგდა პაპიძეს უფლება აქვს, პრეზიდენტს შეწყალების თხოვნით მიმართოს, ხოლო პატიმრობიდან 20 წლის გასვლის შემდეგ, ვადაზე ადრე გათავისუფლება მოითხოვოს, - ამის შესახებ სასამართლო სხდომაზე მოსამართლემ ეკატერინე გამბრიჩიძემ ბრალდებულს განუმარტა.

თბილისის საქალაქო სასამართლოს გადაწყვეტილებით, ბრალდებულ მაგდა პაპიძეს უვადო პატიმრობა შეეფარდა. 

სასჯელის ათვლა 2015 წლის 20 დეკემბრიდან დაიწყო. მთავარი პროკურატურა ბრალდებულისთვის უვადო პატიმრობას ითხოვდა. სასჯელის გმოცხადებას მაგდა პაპიძეც ესწრებოდა.

შეგახსენებთ, რომ მაგდა პაპიძე ნაფიცმა მსაჯულებმა დამნაშავედ ცნეს. ვერდიქტი მსაჯულებმა 4 ივლისს გამოაცხადეს.

შვილისა და მეუღლის მკვლელობაში ბრალდებულის მოთხოვნის შესაბამისად, სასჯელის განსაზღვრაში ნაფიც მსაჯულებს მონაწილეობა არ მიუღიათ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი