„კონფერენცია იმდენად კარგად იყო ორგანიზებული და იმდენად შინაურულად ვგრძობდი თავს, რომ გული გვწყდება  მივემგზავრებით“,-ამის შესახებ ეუთო-ს საპარალამენტო ასამბლეის ახლადარჩეულმა  პრეზიდენტმა კრისტინა მუტონენმა  განაცხადა.

მან საქართველოს ღონისძიების მასპინძლობისთვის მადლობა გადაუხადა და აღნიშნა, რომ ქვეყანა თავისი სტუმართმოყვარეობით გამოირჩევა.

„ვფიქრობ კიდევ ბევრი საქმე გვაქვს გასაკეთებელი. დემოკრატია მუშა პროცესია. ყველა სხვა ქვეყანაში უნდა გავაგრძელოთ მუშაობა დემოკრატიული პროცესების განვითარებაში“,-განაცხადა მუტონენიმ. 

მან აღნიშნა, რომ დღეს ჩატარებული არჩევნები დემოკრატიულობის მაღალი ხარისხის კარგი მაგალითია.

„მსურს ყველა ჩემს კოლეგას მადლობა გადავუხადო ამ დემოკრატიულ პროცესში მონაწილეობისთვის.  ვფიქრობ, რომ ეს კიდევ ერთი მნიშვნელოვანი ნიშნანი  იყო ჩვენი  ქვეყნებისთვის, რომელიც გვიჩვენებს, რომ ჩვენ ერთად მუშაობა შეგვიძლია იმ შემთხვევაშიც კი თუ ჩვენი შეხედულებები განსხვავდება. ვფიქრობ, რომ მიღებული რეზოლუცია ძალიან მნიშვნელოვანია, როდესაც  ერთად ვმუშაობთ კომპრომისს ვაღწევთ. განვმეორდები და ვიტყვი, რომ ჩვენ გვქონდა მრავალფეროვანი დიალოგი ყველა საკითხზე  და ყველა მხარესთან მათ შორის ოკუპირებული ტერიტორიების შესახებ. შემიძლია ვთქვა, რომ აღნიშნული დიალოგი გაგრძელდება“,-განაცხადა მუტონენიმ.

შეგახსენებთ, რომ ახალი პრეზიდენტი ეუთო-ს საპარალამენტო ასამბლეას 1 წლის განმავლობაში უხელმძღვანელებს.  არჩევნების  მეორე ტურის შედეგების მიხედვით ეუთო-ს საპარალამენტო ასამბლეის პრეზიდენტის თანამდებობაზე ავსტრიის წარმომადგენელი კრისტინ მუტონენი დაინიშნა. მან 86 დელეგატის მხარდაჭერა მოიპოვა.

ცნობისთვის, ეუთო-ს საპარალამენტო ასამბლეის 25-ე  ყოველწლიური სესია, რომელიც 1-5 ივლისის ჩათვლით თბილისში „ექსპო ჯორჯიაში“ მიმდინარეობდა  „თბილისის დეკლარაციის“ მიღებით  და ასამბელის ხელმძღვანელი პირების არჩევით დასრულდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს პოლიციელების მიერ ჩადენილ ძალადობის ფაქტებს ადასტურებს

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის