რუსეთმა  ბორის ნემცოვის დაკრძალვაზე პოლონეთის სენატის სპიკერს ბოგდან ბორუსევიჩს და ლატვიის ყოფილ საგარეო საქმეთა მინისტრს, ამჟამად ევროპარლამენტარ სანდრა კალიენტეს ბორის ნემცოვის დაკრძალვაზე დასწრების საშუალება არ მისცეს

სააგენტო „უნიანის“ ინფორმაციით, ბოგდან ბორუსევიჩს  ბორის ნემცოვის დაკრძალვაზე პოლონეთის დელეგაციისთვის უნდა ეხელმძღვანელა, ხოლო სანდრა კალიენტე ლატვიის მთავრობას  და ევროპულ სახალხო პარტიას წარმოადგენდა.

როგორც ბოგდან ბორუსევიჩმა აღნიშნა,  რუსეთის მსგავსი გადაწყვეტილებით ძალიან გაკვირვებულია.

„ვფიქრობ, რომ პოლონეთის და რუსეთის საზოგადოება აღნიშნული ფაქტიდან თავის დასკვნებს გამოიტანენ“,-განაცხადა  ბორუსევიჩმა.

ამასთან, პოლონეთში რუსეთის საელჩოს პრესსმდივანმა ვალერია პერჟინსკაიამ განმარტა, რომ ბოგდან ბორუსევიჩი რუსეთის წინააღმდეგ „ანტისანქციების“ ფარგლებში არსებულ,  იმ პირთა  სიაშია შეყვანილი, რომლებსაც რუსეთის ტერიტორიაზე შემოსვლა ეკრძალებათ.

რაც შეეხება ევროპარლამენტარ  სანდრა კალიენტეს, მას  რუსებმა  „შერემეტევას“ აეროპორტის დატოვების საშუალება არ მისცეს და  დიპლომატიური პასპორტი ჩამოართვეს.

ასევე ევროპარლამენტარი, იმ ადამიანთა სიაშია შეყვანილი, რომლებსაც რუსეთის ტერიტორიაზე შესვლა ეკრძალებათ.

ლატვიის საგარეო საქმეთა სამინისტროს ოფიციალური განცხადების მიხედვით, ლატვია  რუსეთის მსგავსი ქმედებით აღშფოთებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

არჩევნები ბერლინი და მეკლენბურგ-წინა პომერანიაში: AfD ლიდერობს, თუმცა მთავრობას ვერსად ჩამოაყალიბებს

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს