ექსპერტი კავკასიის საკითხებში, მამუკა არეშიძე მიიჩნევს, რომ აჰმედ ჩატაევთან დაკავშირებით ეუთო-ს საპარლამენტო ასამბლეის რუსული დელეგაციის ხელმძღვანელის, ნიკოლაი კოვალიოვის განცხადება, დიპლომატისთვის შეუფერებელია.

როგორც "ექსპრენიუსთან" საუბარში მამუკა არეშიძემ აღნიშნა, აჰმედ ჩატაევი დაპატიმრებული რომ ყოფილიყო, ტერაქტი მაინც მოხდებოდა.

მისივე თქმით, ისიც აშკარაა, რომ ჩატაევს სერიოზული მფარველები ყავს, რადგან ის არაერთხელ იყო დაპატიმრებული, მათ შორის, რუსეთშიც და ციხიდან გამოსვლა ყველგან მოახერხა.

"რაც შეეხება რუსეთის წარმოამდგენლის დღევანდელ განცხადებას - ჩატაევთან დაკავშირებით, ეს არის ცალსახად სისულელე. არ იქნებოდა ჩატაევი იქნებოდა ვინმე სხვა. სხვა ტერორისტული აქტები საქართველოში განთავისუფლებულმა ადამიანებმა მოაწყვეს?! ეს არის დიპლომატისთვის შეუფერებელი განცხადება. რაც შეეხება თავად ჩატაევის თემას - მისთვის დანაშაულის დამტკიცება გართულდა. ყველა დანაშაულს დამტკიცება ჭირდება. ერთის მხრივ საქართველოს პროკურატურამ იჩქარა, მეორეს მხრივ, არაპროფესიონალიზმის ნიშნები ჩანს და მესამე მხრივ, როგორც ჩანს, ჩატაევს ვიღაცა მფარველობს. ჩატაევი არაერთხელ იქნა დაპატიმრებული. თავად რუსეთთაც ყავდა დაპატიმრებული. თუ ის ტერორისტული აქტის ჩამდენი რუსეთმა რატომ გაუშვა?!", - განაცხადა არეშიძემ.

ექსპერტმა საქართველოსთან მიმართებაში ისლამური სახელმწიფოდან მომდინარე საფრთხეებზეც გააკეთა კომენტარი და აღნიშნა, რომ ამის რისკი ყოველთვის არსებობს.

"საქართველოსთან მიმართებაში ისლამური სახელმწიფოსგან საფრთხე ყოველთვის მომდინარეობს. თუმცა, თურქეთში განვითარბეული მოვლენები ამასთან კავშირში არ არის. თურქეთის დღევანდელ ხელისუფლებას და ისლამურ სახელმწიფოს გამოცხადებული აქვთ ომი. მიუხედავად იმისა, რომ თურქეთის ხელისუფლება დღეს ისლამური სახელმწიფოს ზოგიერთ დაჯგუფებასთან თანამშრომლობს. საერთო ჯამში, ფუნდამენტალური ისლამისტებისთვის ერდოღანის ხელისუფლება მიუღებელია. გარდა ამისა, თურქებს ქურთებთანაც აქვთ ომი გამოცხადებული და ხშირ შემთხვევაში ტერაქტები სწორედ ქურთების ორგანიზებულია. ასე რომ, ეს არის შიდა დაპირისპირების თემა. საქართველო ამ პროცესებში ჩართული არ არის. საქართველოს მოქალაქეები ახლო აღმოსავლეთის კონფლიქტში მონაწილეობენ, მაგრამ ეს არ ხდება ხელისუფლების ინიციატივით და ამ კუთხით, საფრთხე არ გვემუქრება, მაგრამ სიტუაციიდან გამომდინარე, გადაჭრით იმის თქმა, რომ საქართველოს ტერიტორია არ გახდება ტერორისტული თავდასხმის ობიექტი არ შეიძლება. ჩვენს ქვეყანაში განლაგებულია იმ ქვეყნის წარმომადგენლობა, რომლებიც ებრძვიან ისლამურ ხალიფატს. ამიტომ, შეიძლება, რომ ეს წარმომადგენლები შეიძლება გახდნენ თავდასხმის მსხვერპლნი. ლოგიკურად, ასეთი რამ შეიძლება მოხდეს", - განაცხადა არეშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს