„რუსეთის მიმართ ტონი უნდა გამკაცრდეს“, - ამის შესახებ „ერთიანი ნაციონალური მოძრაობის“ წევრმა გიგი წერეთელმა ჟურნალისტებს განუცხადა.

მისივე თქმით, საქართველოსთვის ცნობილია, რომ რუსი დეპუტატების მიმართ სანქციების გაუქმებაზე კონსულტაციები მიმდინარეობს.

„ვთვლი, რომ რუსეთმა აუცილებლად უნდა შეასრულოს გარკვეული ვალდებულებები, თუმცა ამას არ აკეთებს. მათ მიმართ ტონი უნდა გამკაცრდეს. ეს ეფუძნება ეუთოს პლატფორმას. მიმაჩნია, რომ უნდა იყოს დიალოგი და კონსტრუქციული მუშაობა ადამიანის უფლებების დაცვის საკითხთან დაკავშირებით. არიან ადამიანები, ვინც სერიოზული დანაშაული ჩაიდინა, ასეთი ხალხი რუსეთის დელეგაციას ჰყავს. მათზე თუ ვრცელდება მნიშვნელოვანი ევროპული თუ ამერიკული სანქციები, რა თქმა უნდა ეს ადამიანები თავს კომფორტულად არ უნდა გრძნობდნენ, თუნდაც ასეთ პოლიტიკურ ფორუმზე, როგორიც ეუთოა“, - განაცხადა გიგი წერეთელმა.

მისივე განმარტებით, ყველა რეზოლუციას აქვს რეკომენდაციის სახე, თუმცა ეს შემდგომ მიღებული გადაწყვეტილებების საფუძველია.

ცნობისთვის, თბილისში, საგამოფენო ცენტრ „ექსპო ჯორჯიაში“, ეუთო-ს საპარლამენტო ასამბლეის 25-ე, ყოველწლიური სესიის მეორე დღე მიმდინარეობს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს