2016-06-24 11:38:43, 812 ნახვა
პოლიტიკა
დევიდ კემერონი ბრიტანეთის პრემიერ-მინისტრის პოსტს ტოვებს
დიდი ბრიტანეთის პრემიერ-მინისტრმა დევიდ კემერონმა საგანგებო ბრიფინგი გამართა.
როგორც კემერონმა აღნიშნა, იგი თანამდებობიდან გადადგება.
"მთელ ბრიტანეთში 17 მილიონზე მეტმა ადამიანმა მხარი დაუჭირა ბრიტანეთის ევროკავშირში დარჩენას, მაგრამ სამწუხაროდ, ისინი ამ ბრძოლაში დამარცხდნენ. მე ვგრძნობ პასუხისმგებლობას და ვაპირებ დავტოვო პრემიერ-მინისტრის პოსტი", - განაცხადა დევიდ კემერონმა.
მისივე თქმით, შემოდგომაზე ბრიტანეთი მიიღებს ახალ ლიდერს, რომელიც ქვეყანას უხელმძღვანელებს.
ცნობისთვის, დიდ ბრიტანეთში ჩატარებულ რეფერენდუმზე ამომრჩევლებმა ევროკავშირიდან გასვლას მხარი დაუჭირეს. მოქალაქეთა 51,9%-მა ევროკავშირიდან გასვლას დაუჭირა მხარი, მოწინააღმდეგე კი, 48,1% იყო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
