თბილისი რაგბი ევროპის 96-ე გენერალურ ასამბლეას მასპინძლობს, რომლის ფარგლებშიც დედაქალაქს 40-მდე ქვეყნიდან 75 დელეგატი ეწვია. მათ შორის, თბილისში იმყოფება რაგბი ევროპის პრეზიდენტი და საერთაშორისო ოლიმპიური კომიტეტის წევრი ოქტავიან მორარიუ.

კონგრესის გახსნაზე საქართველოს პრემიერ-მინიტრი გიორგი კვირიკაშვილი სიტყვით გამოვიდა.

მისი თქმით, საქართველოში რაგბის სახელმწიფოსგან უდიდესი მხარდაჭერა აქვს.

„გიორგი კვირიკაშვილმა განუხადა, რომ საქართველოში რაგბის კავშირის სახელმწიფოსა და კერძო სექტორის ხელშეწყობის მნიშვნელოვანი რაგბის ინფრასტრუქტურა აშენდა.

პრემიერმა ამ პროცესში განსაკუთრებით ფონდ „ქართუს“ წვლილი აღნიშნა.

„უდიდესი პატივია ვუმასპინძლოთ რაგბი ევროპის გენერალურ ასამბლეას საქართველოში. დარწმუნებული ვარ, ასამბლეის მიერ მიღებული გადაწყვეტილებები წაადგება რაგბის განვითარებას საერთაშორისო მასშტაბით. საქართველოში რაგბის უდიდესი მხარდაჭერა სახლემწიფოს მხრიდან წლების განმავლობაში ამ მხარდაჭერის და უფრო მეტად პატრიოტიზმის, რომელიც რაგბის მესვეურებმა გამოიჩინეს, შედეგია ის, რომ სპორტის ეს სახეობა ეროვნულ სახეობად ჩამოყალიბდა. ძალიან მნიშვნელოვანი რაგბის ინფრასტრუქტურა აშენდა სახელმწიფოს, კერძო სექტორისა და რაგბის კავშირის ხელშეწყობით. განსაკუთრებით მინდა აღვნიშნო ფონდი „ქართუს“ წვლილი ძალიან მნიშვნელოვანი ინფრასტრუქტურის აშენებაში. 16 სტადიონის აშენება და რეაბილიტაცია მოხდა და 85 მილიონი ლარის ინვესტიცია განხორციელდა. საქართველო გახდა რაგბის ქვეყანა. მინდა ყველაზე დიდი მადლობა ვუთხრა რაგბისტებს, რომლებმაც ურთულეს წლებში მოახერხეს საერთაშორისო მასშტაბით საქართველოს სახელით გასვლა, - განაცხადა გიორგი კვირიკაშვილმა.

მისივე თქმით, საქართველოს 2017 წელს 20 წლამდე მორაგბეთა მსოფლიო ჩემპიონატს მასპინძლობს. როგორც პრემიერმა აღნიშნა, რომ მთავრობა მზადაა, აღნიშნულ ღონისძიებას ორგანიზება უმაღლეს დონეზე გაუწიოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის