საქართველოს პრემიერ-მინისტრ გიორგი კვირიკაშვილის განცხადებით, მთავრობა ყველაფერს გააკეთებს იმისათვის, რომ,  განსაკუთრებით ოპოზიციისთვის, მთელი წინასაარჩევნო კამპანია მაქსიმალურად უზრუნველყოფილი იყოს.

კვირიკაშვილმა  საარჩევნო კამპანიის პროცესის გამჭვირვალეობის მნიშვნელობაზე გაამახვილა ყურადღება:

„რამდენიმე დღის წინ გავაკეთე განცხადება წინასაარჩევნო კამპანიასთან დაკავშირებით იმის თაობაზე, რომ მაქსიმალურად უნდა მოხდეს თავიდან აცილება ადმინისტრაციული რესურსის გამოყენების და ჩვენი მოწოდებაა, რომ მაქსიმალურად მშვიდობიან გარემოში ღირსეულად ჩავატაროთ ეს არჩევნები. მინდა, დავამატო ამ განცხადებას, რომ ჩვენთვის ძალიან მნიშვნელოვანია მთელი ამ პროცესის გამჭვირვალობა, ამიტომ, მაქსიმალურად ყველაფერს გავაკეთებთ იმისათვის, რომ მთელი წინასაარჩევნო კამპანია, განსაკუთრებით მინდა ვთქვა, რომ ოპოზიციისთვის, უნდა იყოს მაქსიმალურად უზრუნველყოფილი. რა თქმა უნდა, მმართველი ძალის წინასაარჩევნო კამპანიასაც დიდი მნიშვნელობა აქვს, მთელი ამ პროცესის გამჭვირვალობას, როგორც ჩემი მხრიდან, ასევე არაერთი მინისტრის მხრიდან მრავალ საერთაშორისო პლატფორმაზე გაჟღერებულა არაერთი მოწოდება და თხოვნა ჩვენი საერთაშორისო პარტნიორების მიმართ, რომ მაქსიმალურად მეტი სადამკვირვებლო ორგანიზაცია ჩამოვიდეს საქართველოში და რაც შეიძლება ადრე, რომ მთელი ეს პროცესი იყოს გამჭვირვალე. დიდი მნიშვნელობა ექნება, როგორც მედიისთვის წვდომას და ამ პროცესების გაშუქების კუთხით, ასევე არასამთავრობო სექტორის ჩართულობას, და მინდა კიდევ ერთხელ მოვუწოდო ყველა სახელმწიფო მოხელეს, უპირველეს ყოვლისა, რომ მაქსიმალურად თავიდან ავიცილოთ ერთი კითხვის ნიშანიც კი, მთელი ამ პროცესის გამჭვირვალობასთან დაკავშირებით. ეს არის ჩვენი მთავრობის ღირსების საკითხი, რომ ჩვენ შევძლოთ მართლად დემოკრატიული და გამჭვირვალე არჩევნების ჩატარება და სათანადოდ იქნას გაშუქებული მთელი ეს პროცესი. ამიტომ, გამჭვირვალობას ამ კუთხით  განსაკუთრებული მნიშვნელობა ექნება“,-აღნიშნა გიორგი კვირიკაშვილმა მთავრობის სხდომაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ამ კვირაში სარატოვში მეშვიდე ნავთობგადამამუშავებელი ქარხანა და ორელში ელექტრონიკის ქარხანა დაბომბა

წარსულში არსებული კონფლიქტის ნიადაგზე, მეზობლად მცხოვრები მამაკაცი გადაჭრილი თოფიდან - ე.წ. აბრეზიდან გასროლით დაჭრა, იგი დააკავეს

ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ

ევროპულმა ტელეარხებმა ბომბის შესახებ მუქარა მიიღეს