2016 წელი არის დიდი კომპოზიტორის სერგეი პროკოფიევის დაბადებიდან 125 წლისთავი, ამ თარიღს მთელ მსოფლიოში არაერთი ღონისძიება ეძღვნება.

თბილისის მერიის ინფორმაციით, ამასთან დაკავშირებით, მაკა მახარაძის საბალეტო სტუდია წარმოადგენს სპექტაკლს “კონკია”, რომელიც თბილისის მერიის კულტურული ღონისძიების ცენტრის ხელშეწყობით გაიმართება კოტე მარჯანიშვილის სახელობის დრამატულ თეატრში 26 ივნისს 14:00, 16:00, 18:00 და 20:00 საათზე.

მათივე ცნობით, სპექტაკლში მონაწილეობენ მაკა მახარაძის საბალეტო სტუდიის "ვერის უბნის ტანც კლასი"-ს მოსწავლეები. სპექტაკლის ქორეოგრაფი მაკა მახარაძე, კოსტუმების მხატვარი ანა კალატოზიშვილი. დადგმაში მონაწილეობს მოწვეული მსახიობი თამარ მაყაშვილი.

პროექტის მიზანია საბალეტო ხელოვნების პოპულარიზაცია. რათა სპექტაკლი ნახონ არა მარტო მათ, ვისაც ბალეტი უყვარს, არამედ ბავშვებმაც, რომლებსაც არა აქვთ საშუალება იარონ საბალეტო წარმოდგენებზე. ამის პრაქტიკა სტუდიის მესვეურთ წლების მანძილზე დაუგროვდათ, რითაც ცდილობენ შეაყვარონ მომავალ თაობას თეატრი და ზოგადად ხელოვნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს