აშშ-ის თავდაცვის სამინისტროს წარმომადგენელი: რუსეთისგან ახსნა-განმარტებებს ველოდებით

2016-06-17 14:55:53, 1245 ნახვა

მსოფლიო

აშშ-ის თავდაცვის სამინისტროს წარმომადგენლის თქმით, სირიაში რუსეთის საჰაერო ძალებმა ამბოხებულების პოზიციებზე ავიაიერიში განახორციელა.

სამინისტროს წამომდგენელი, რომელიც საკუთარი ვინაობის გამხელაზე უარს ამბობს, reuters-თან ინტერვიუში აცხადებს, რომ იერიში ამბოხებულთა იმ ჯგუფზე განხორციელდა, რომელიც აშშ-ის მხარდამჭერია და "ისლამური სახელმწიფოს" წინააღმდეგ იბრძვის.

წარმომადგენელის თქმით, ოფიციალური ვაშინგტონი ამ საკითხს რუსულ მხარესთან აუცილებლად განიხილავს.

შეგახსენებთ, რომ ნორვეგიაში ვიზიტის დროს, აშშ-ის სახელმწიფო მდივანმა განაცხადა, რომ სირიის ქალაქ ალეპოში ცეცხლის შეწყვეტის რეჟიმი რისკის ქვეშაა.

"რუსეთს უნდა ესმოდეს, რომ ჩვენი მოთმინება შეუზღუდავი არ არის", - განაცხადა ჯონ კერიმ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან