აშშ-ის სახელმწიფო დეპარტამენტის დიპლომატების ნაწილი პრეზიდენტ ბარაკ ობამას მოუწოდებს,  სირიის სამთავრობო ჯარებზე დარტყმები განახორციელოს, - ამის შესახებ The New York Times იუწყება.

გამოცემის ინფორმაციით, შიდა მემორანდუმს 50 დეპუტატმა ხელი მოაწერა. მემორანდუმი თანახმად, დიპლომატები პრეზიდენტს მოუწოდებენ, სირიის არმიაზე დარტყმები იმ მიზნით განახორციელოს, რომ ასადის რეჟიმმა ცეცხლის შეწყვეტის რეჟიმის დარღვევა შეწყვიტოს.

როგორც The Wall Street Journal წერს, აშშ-ს დიპლომატები მიიჩნევენ, რომ დამასკოს წინააღმდეგ საბრძოლო მოქმედებების დაწყება "ისლამური სახელმწიფოს" დამარცხებისთვისაა აუცილებელი.

დიპლომატები ხელისუფლებას სთავაზობენ, სირიის არმიის წინაააღმდეგ რაკეტები, უპილოტო საფრენი აპარატები და საჭიროების შემთხვევაში, ავიაციაც გამოიყენოს.

The New York Times წერს, რომ ბარაკ ობამა აღნიშნულ შემოთავაზებაზე სავარაუდოდ უარს იტყვის, რადგან ეს სირიაში ამერიკული პოლიტიკის შეცვლის მანიშნებელი იქნება. 

აშშ-ის სახელმწიფო დეპარტამენტმა მემორანდუმის არსებობა დაადასტურა, თუმცა დეპარტამენტის წარმომადგენელმა ჯონ კერბიმ კომენტარებისგან თავი შეიკავა.

ამ ეტაპზე ამერიკული ჯარი სირიაში, "ისლამური სახელმწიფოს" ტერიტორიებს ბომბავს, ხოლო სპეცრაზმი შიიტურ დაჯგუფებებს ეხმარება.

მედიის ინფორმაციით, რუსეთის პოზიცია აღნიშნულ საკითხთან დაკავშირებით უცვლელია და ასადის მომავალი თვითონ სირიელმა ხალხმა უნდა გადაწყვიტოს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აქტივისტი ნანა სანდერი: მე ფიზიკური და ფსიქოლოგიური წამების მსხვერპლი ვარ

სახელმწიფო აუდიტის სამსახური თბილისის პოლიტიკური სწავლების სკოლის აუდიტს ჩაატარებს

თიბისის მდგრადი განვითარების ღონისძიება - „მდგრადი ტრანსფორმაცია: ხელოვნური ინტელექტი, ტექნოლოგიები, ბიზნესი და ზეგავლენა“

საქართველოდან ირანის მიმართულებით უპრეცედენტო რაოდენობის ავტომობილის ექსპორტი განხორციელდა