ელექტრონული მუსიკისა და ინოვაციური პოპ-კულტურის ფესტივალის, „ელექტრონავტების" გამარჯვებულების ვინაობა უკვე ცნობილია.

წელს, მთავარი ჯილდოს, "ელექტრონავტი 2015"-ის მფლობელი BERIKA გახდა. სპეციალურად ამ ნომინაციისთვის დაწესებული პრიზი, საგზური Berlin Atonal-ის ფესტივალზე გამარჯვებულს თიბისი ბანკის მარკეტინგის დირექტორმა, ნინო ეგაძემ გადასცა. „წლის ელექტრონავტი" ორგანიზატორებისგან  მხატვარ გიორგი მაღრაძის მიერ დამზადებული ფიგურითაც დაჯილდოვდა.

მთავარი ნომინაციის გარდა, გამარჯვებულები კიდევ 9 კატეგორიაში გამოვლინდნენ: საუკეთესო ფესტივალი -4GB; საუკეთესო მუსიკალური ვიდეო - TETE NOISE-GADI GADI; საუკეთესო ლეიბლი - VODKAST; საუკეთესო VJ –JARA; საუკეთესო DJ – ZITTO; საუკეთესო ლაივ აქტი- OIMACTTA; საუკეთესო ალბომი - 3SULI-DESNA; საუკეთესო ტრეკი - TOKE –UNIVERSE 7; ახალი სახე - MINDSTREAMING.

ელექტრონული მუსიკისა და ინოვაციური პოპ-კულტურის ყოველწლიური  ფესტივალი, „ელექტრონავტი" 2008 წელს დაარსდა და მის მიზანს ნიჭიერი, ახალგაზრდა ქართველი არტისტების გამოვლენა წარმოადგენს სხვადასხვა ნომინაციაში. გამარჯვებულები პრიზებს იმ კონტენტისთვის იღებენ, რომლებსაც  ბოლო ერთი წლის  განმავლობაში ქმნიან. 2010 წლიდან მონაწილეებს საერთაშორისო ჟიურის წევრები აფასებენ.

წელს კონკურსში 30 ნომინანტი იყო წარდგენილი, საიდანაც 10 საუკეთესო შეირჩა. წლის მთავარ ნომინაციაში („ელექტრონავტი 2015") გამარჯვებულის შერჩევის პროცესში  მსმენელიც იყო ჩართული,  ხმის მიცემა ყველა მსურველს  ვებ-გვერდზე www.electronauts.ge შეეძლო. 

ფესტივალი წელს „თიბისი ბანკის“ მხარდაჭერით ჩატარდა.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში