ფილიპინებში ისლამისტური დაჯგუფების "აბუ საიაფის" წევრებმა კანადის მოქალაქე რობერტ ჰოლი მოკლეს, - ამის შესახებ Regnum იუწყება.

როგორც მედია საშუალება წერს, რობერტ ჰოლი კანადელების ჯგუფთან ერთად ისლამისტებმა 2015 წლის სექტემბერში მძევლად აიყვანეს .

კანადური მედიის ინფორმაციით, რობერტ ჰოლს ექსტრემისტებმა თავი მოჰკვეთეს. მისი გარდაცვალების ფაქტი კანადის საგარეო საქმეთა სამინისტრომ დაადასტურა.

მძევლის სანაცვლოდ ისლამისტი მებრძოლები 6,5 მილიონი დოლარის ოდენობის გამოსასყიდს ითხოვდნენ. გამოსასყიდის გადახდის ვადა 13 ივნისს ამოიწურა.

ცნობისთვის, აპრილის ბოლოს ტერორისტებმა კიდევ ერთი კანადელი ჯონ რიდსდელი მოკლეს.

შეგახსენებთ, რომ დაჯგუფება "აბუ საიაფი" "ალ-ქაიდასთან" არის დაკავშირებული და ფილიპინების სამხრეთ ნაწილში მოქმედებს. დაჯგუფების ლიდერის ისნილონ ჰაპილონის  შესახებ ინფორმაციის სანაცვლოდ აშშ-ს 5 მილიონი დოლარის ოდენობის ჯილდო აქვს დაწესებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მდგრადი განვითარების ღონისძიება - „მდგრადი ტრანსფორმაცია: ხელოვნური ინტელექტი, ტექნოლოგიები, ბიზნესი და ზეგავლენა“

საქართველოდან ირანის მიმართულებით უპრეცედენტო რაოდენობის ავტომობილის ექსპორტი განხორციელდა

იანვრიდან მოყოლებული, საქართველოში სოციალური დახმარების მიმღებთა რაოდენობა 140 000 ადამიანით შემცირდა

ავტომობილები, ნავთობპროდუქტები, ძვირფასი ლითონები - რას ყიდის საქართველო და საიდან ვყიდით ნავთობს