შსს-მ კახეთში ოჯახში ძალადობის ბრალდებით ძებნილი პირი დააკავა

2016-06-09 10:31:54, 1007 ნახვა

სამართალი

შსს-ს კახეთის პოლიციის დეპარტამენტის დედოფლისწყაროს და საგარეჯოს რაიონული სამმართველოების თანამშრომლებმა, ოპერატიული ინფორმაციის საფუძველზე ერთობლივად ჩატარებული სამძებრო ღონისძიებების შედეგად, 2016 წლის 26 აპრილიდან დედოფლისწყაროს რაიონული სამმართველოს მიერ ოჯახში ძალადობის ბრალდებით ძებნილი, 1968 წელს დაბადებული ბახლულ ქ. საგარეჯოს რაიონის სოფელ ლამბალოში დააკავეს.

გამოძიებამ დაადგინა, რომ ბრალდებულმა თავის მეუღლესა და სამ არასრულწლოვან შვილს ფიზიკური შეურაცხყოფა მიაყენა და მათზე ფსიქოლოგიური ზეწოლა მოახდინა.

დაკავებული გადაყვანილია N8 პენიტენციურ დაწესებულებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან