საქართველოს პრეზიდენტი გმობს თურქეთში მომხდარ ტერორისტულ აქტს

2016-06-08 23:05:18, 1232 ნახვა

მსოფლიო

თურქეთში მომხდარი ტერორისტული აქტის შესახებ პრეზიდენტი გიორგი მარგველაშვილი განცხადებას ავრცელებს.

პრეზიდენტი გმობს მომხდარს და თანაუგრძნობს თურქ ხალხს.

„შეძრწუნებული ვარ თურქეთში, პოლიციის ავტომობილზე, მომხდარი საზარელი ტერორისტული აქტით, რომელმაც უდანაშაულო მოქალაქეების სიცოცხლის მოსპობა და მრავალი ადამიანის დაშავება გამოიწვია.

საქართველო, საერთაშორისო თანამეგობრობასთან ერთად, ერთობლივი ძალისხმევით განაგრძობს თანამედროვე მსოფლიოს უდიდესი საფრთხის წინააღმდეგ ბრძოლას. ქართველი ხალხი თანაუგრძნობს და დგას მეგობარი თურქი ხალხის გვერდით. ვუსამძიმრებ დაღუპულთა ოჯახებსა და ახლობლებს", - ნათქვამია საქართველოს პრეზიდენტის განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან