„ძალიან ამბიციური გეგმები გვაქვს, 4 წლის განმავლობაში იმდენი სამუშაოს შესრულებას ვაპირებთ, რამდენიც საქართველოში  გასული ათწლეულების განმავლობაში არ შესრულებულა”, - ამის შესახებ საქართველოს პრემიერ-მინისტრმა გიორგი კვირიკაშვილმა მთავრობის სხდომაზე განაცხადა.

მისივე თქმით, მომავალი ინფრასტრუქტურული განვითარების მთლიანი სამოქმედო გეგმა ინფრასტრუქტურის სამინისტროსთან და მთავრობის წევრებთან უკვე განხილულია.

“საერთოდ, მინდა ვთქვა, რომ ჩვენ გვაქვს ძალიან ამბიციური გეგმები. სულ რამდენიმე დღის წინ გვქონდა ინფრასტრუქტურის სამინისტროსთან და მთავრობის წევრებთან ერთად განხილვა მომავალი ინფრასტრუქტურული განვითარების მთლიანი სამოქმედო გეგმის. 4 წლის განმავლობაში ჩვენ ვაპირებთ იმდენი სამუშაოს შესრულებას, რამდენიც, ფაქტობრივად, გასული ათწლეულების განმავლობაში არ შესრულებულა საქართველოში. ეს არ არის გადაჭარბებული მოლოდინები, ეს არის აბსოლუტურად კონკრეტულ მაჩვენებელზე და კონკრეტულ პოტენციალზე დაყრდნობით გათვლილი გეგმა”, - განაცხადა გიორგი კვირიკაშვილმა.

პრემიერის განმარტებით,  სამოქმედო გეგმის პრეზენტაციას უახლოეს მომავალში აპირებენ:

 „ის ითვალისწინებს როგორც მთავარი ინფრასტრუქტურული არტერიების განვითარებას და მშენებლობას, ასევე ტურისტულ, ინფრასტრუქტურასთან მისასვლელი გზების განვითარებას, რაც სრულიად ახალ სუნთქვას მიანიჭებს ჩვენს ტურისტულ სექტორს, რაც იმას ნიშნავს, რომ საქართველოში, როგორც ქალაქებში, ასევე სოფლად მაცხოვრებელ ადამიანებს გაუჩნდებათ უფრო მეტი შემოსავალი და მათ ექნებათ საშუალება, მიიღონ უფრო მეტი სტუმარი. ეს ნიშნავს უფრო მეტ დახარჯულ ფულს საქართველოში, ეს ნიშნავს უფრო მეტ მოთხოვნას ჩვენს აგრარულ პროდუქციაზე და არა მხოლოდ, ეს ნიშნავს მთლიანი შიდა პროდუქტის ძალიან მნიშვნელოვან ზრდას და მეტი ინვესტიციების მოზიდვას.

ასევე, ჩვენ ვგეგმავთ, რომ მთა თუშეთის სტრატეგიული განვითარების პროექტი შევიმუშავოთ, რომელსაც გააჩნია მრავალმხრივი დანიშნულება, რა თქმა უნდა, როგორც უსაფრთხოების, ასევე ეთნოკულტურის შენარჩუნების, ტურიზმის განვითარების, სოციალური კუთხით იქ მაცხოვრებელი ადამიანებისთვის, რომლებიც ნამდვილად გმირები არიან, დღეს იქ რჩებიან და ინახავენ ამ ჩვენს ისტორიულ მიწაწყალს. ჩვენი ვალია, ამ მხარეს განსაკუთრებულად მივხედოთ. მე არ ჩამოვთვლი სხვა პროექტებს, რომლებიც სტრატეგიული პროექტების სახით იქნება გამოყოფილი. კონკრეტულ პროექტს ეყოლება კონკრეტული მენეჯერი, მმართველი და პასუხისმგებელი ადამიანი. ამ გეგმას ჩვენ უახლოეს მომავალში წარმოგიდგენთ. ნამდვილად დიდი შთაბეჭდილება დაგრჩებათ ყველა თქვენთაგანს იმიტომ, რომ ეს არის ყველაზე ამბიციური გეგმა, რაც კი ჩვენ უახლოესი წარსულის განმავლობაში გვინახავს”, - განაცხადა გიორგი კვირიკაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა