თბილისის აჩქარებული კურსი, დაუახლოვდეს ნატო-ს, სამხრეთ კავკასიას დესტაბილიზაციით ემუქრება, - ამის შესახებ ინფორმაციას სააგენტო „სპუტნიკ-ოსეთია“ ავრცელებს.

მედიის ინფორმაციით, აღნიშნული განცხადება ჟენევის მოლაპარაკების რუსეთისა და ე.წ. სამხრეთ ოსეთის წევრებმა გააკეთეს.

ცხინვალში დე ფაქტო პრეზიდენტის ლეონიდ თიბილოვის სრულუფლებიანი წარმომადგენლისა და რუსეთის საგარეო საქმეთა სამინისტროს დელეგაციის წევრებს შორის შეხვედრა გაიმართა.

შეხვედრის მონაწილეებმა ჟენევის მოლაპარაკებების მომავალ რაუნდამდე კონსულტაციები გამართეს.

„ცხინვალში განსაკუთრებული შეშფოთება ნატო-ს წევრი ქვეყნების შეიარაღებული ძალებისა და მძიმე საბრძოლო ტექნიკის გამოყენებით საქართველოს ტერიტორიაზე წვრთნამ გამოიწვია. ჩვენი მიზანია ჟენევის მოლაპარაკებებში მონაწილე მხარეების ყურადღების საქართველოსა და მისი მოკავშირეების საშიში ქმედებისკენ მიპყრობაა“, - ნათქვამია რუსეთისა და ოკუპირებული სამხრეთ ოსეთის წარმომადგენელთა ოფიციალურ განცხადებაში.

შეხვედრის მონაწილე მხარეებმა განსაკუთრებული ყურადღება კავკასიის რეგიონში ძალის გამოყენებისთვის თავის არიდების საკითხსა და საქართველოსთან სამშვიდობო მოლაპარაკების წარმოებაზე გაამახვილეს.

შეგახსენებთ, რომ ჟენევის მოლაპარაკებები 2008 წლიდან პერიოდულად იმართება. შეხვედრებს, სამხრეთ ოსეთის, ოკუპირებული აფხაზეთის, საქართველოს, რუსეთის, აშშ-ის და ასევე ნატო-ს დელეგაციები ესწრებიან.

ცნობისთვის, მორიგი შეხვედრა 14-15 ივნისს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა