იუსტიციის უმაღლესი საბჭოს მდივნის ლევან მურუსიძის განცხადებით, დაახლოებით ორი წლის წინ, საბჭოში   მოსამართლე ნათია გუჯაბიძის მიმართ საჩივარი შევიდა, რომლის განხილვის შემდეგაც,  მოსამართლის მხრიდან რაიმე დისციპლინური გადაცდომა არ დადასტურდა. 

მურუსიძე არ აკონკრეტებს, ვისგან შევიდა და რას ეხებოდა  საჩივარი. იუსტიციის უმაღლესი საბჭოს მდივნის განცხადებით, აღნიშნული ინფორმაცია კონფიდენციალურია.

ამასთან, ლევან მურუსიძე ჟურნალისტებთან საუბრისას  განმარტავს, რომ მთელი სამოსამართლო კარიერის მანძილზე, ნათია გუჯაბიძის მიმართ არასდროს გამოყენებულა დისციპლინური სახდელი, ან ზემოქმედების ღონისძიება (სარეკომენდაციო ბარათის ჩათვლით).

 რაც შეეხება ნათია გუჯაბიძის მიერ ბინის ქირავნობის საკითხს, მურუსიძის ინფორმაციით, გუჯაბიძემ მისთვის უცნობი მიზეზის გამო,  საბჭოს  თავად მიმართა და ქირაზე უარი განაცხადა:

"ზოგადად, დისციპლინური სამართლაწარმოება ეს არის კონფიდენციალური, იუსტიციის უმაღლესმა საბჭომ რაც გასცა პასუხი და აღნიშნა, რომ გუჯაბიძის მიმართ არასოდეს არ ყოფილა რაიმე სახდელი დაკისრებული, რაც შეეხება, თუ რატომ შეუწყდა ქირა, ეს არაა კონფიდენციალური. მან თავად მიმართა განცხადებით საბჭოს და უარი თქვა ქირაზე.მიზეზი არვიცი. როდესაც არსებობს საჩივარი და როდესაც არის  ზოგადად მოთხოვნა, რომ  მოსამართლეს აქვს რაღაც გადაცდომა, საბჭო ყველაფერს იხილავს და იღებს გადაწყვეტილებას.საჩივარი ყველა მოსამართლეზეა, ჩემზეც არის შემოსული ხოლმე. ვისგან შემოვიდა საჩივარი გუჯაბიძის მიმართ, ეს კონფიდენციალურია. დისციპლინური გადაცდომა მის მიმართ არა თუ ამ საქმეში, სხვა საქმეშიც გამოყენებული არ ყოფილა",-განაცხადა ლევან მურუსიძემ.

მურუსიძე არ პასუხობს ჟურნალისტის შეკითხვას,  იყო თუ არა მისთვის ცნობილი, რომ ნათია გუჯაბიძე ბინას ოჯახის წევრისგან ქირაობდა.

ინფორმაციისთვის, სსიპ საერთო სასამართლოების დეპარტამენტი უზრუნველყოფს მოსამართლეების საცხოვრებელი ფართის ქირავნობის ხარჯებს „საერთო სასამართლოების შესახებ“ საქართველოს ორგანული კანონის შესაბამისად. მოსამართლეს, რომელსაც სამოსამართლო უფლებამოსილების განსახორციელებლად თვითმმართველ ქალაქში პირად საკუთრებაში არ აქვს საცხოვრებელი ბინა, სახელმწიფო უზრუნველყოფს აუცილებელი საცხოვრებელი ფართობით, ან უნაზღაურებს საამისოდ საჭირო ხარჯებს. თუმცა, ვრცელდება ინფორმაცია, რომ მოსამართლე ნათია გუჯაბიძე ბინას სახელმწიფოს ხარჯზე  საკუთარი ოჯახის წევრისგან ქირაობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის მხარდაჭერით, ვორკშოპი „SME ლიდერობა: სწრაფი ნაბიჯებით, დიდ გზაზე“ გაიმართა

მარკუს ლამერტი: ვიზების შეზღუდვები გამოწვეულია საქართველოს მიერ ევროკავშირის წინაშე აღებული ვალდებულებების დარღვევით

ელჩი: ირანის დიპლომატიამ დაამტკიცა, რომ შეუძლია პირდაპირი დიალოგი იქონიოს საზოგადოებასთან

PSP-ს კამპანია Cannes Lions-ის ორ ყველაზე პრესტიჟულ კატეგორიაში მოხვდა