საყდრისი ეს არ იყო პრობლემური თემა, ეს არის „რუსთავი 2“-ის და „ნაციონალური მოძრაობის“ მიერ შექმნილი პრობლემა, - ამის შესახებ ექს-პრემიერმა ბიძინა ივანიშვილმა „პირველ არხთან“, გადაცემა „ინტერვიუში“ განაცხადა.

ივანიშვილის თქმით, საყდრისის აფეთქებაზე უკეთესი არაფერი მომხდარა.

„აფეთქებულია ის მაღარო, რაც უნდა აფეთქებულიყო. ეს ათასჯერ არის განხილული და ნალაპარაკევი.  მხოლოდ „ნაციონალური მოძრაობა ვერ წყნარდება, მათ უდნათ რომ თეთრი შავად წარმოაჩინონ. კარგი რაც ჰქონდა ამ ადგილს, ყველაფერი ამოღებულია და უნიკალურ მუზეუმში შეინახება.

იქ რაც იყო ფასეული, ყველაფერი ამოღებულია, მუზეუმის დაფინანსება მიდის და კულუტრის სამინისტროც ჩართულია. ინვესტორებმაც ფინანსები გამოყეს იმაზე მეტი რაც საჭიროა და საუკეთესო მუზეუმი ექნება საქართველოს. ისეთ ადგილას აშენდება, სადაც შეუძლიათ მივიდნენ და ნახონ ის, რასაც ჩვენს სიძველეებთან ჰქონდა კავშირი. აქ რაც მოხდა ყველაფერი მოხდა ფაქიზად“, - განაცხადა ექს-პრემიერმა.

ბიძინა ივანიშვილის მტკიცებით, საყდრისის ოქროს ოთხივე მაღარო შემოწმდა, რაზეც გადაცემის წამყვანმა სალომე ასათიანმა უპასუხა, რომ ეს არ არის სიმართლე და რომ მხოლოდ ერთი მაღაროს ნახევრის შემოწმება მოხდა. ექს-პრემიერსა და გადაცემის წამყვანს შორის ამას მორიგი შეკამათება მოჰყვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა