საქართველოს და სლოვაკეთის პრეზიდენტები დღეს, ანდრეი კისკას სახელმწიფო ვიზიტის ფარგლებში, ბათუმში საკონსტიტუციო სასამართლოს ესტუმრნენ და საკონსტიტუციო სასამართლოს თავმჯდომარეს გიორგი პაპუაშვილს შეხვდნენ.

პრეზიდენტის ადმინისტრაციის პრესსამსახურის ინფორმაციით, გიორგი პაპუაშვილმა სტუმრებს სასამართლოს შენობა დაათვალიერებინა და  სასამართლოს მუშაობის სპეციფიკა გააცნო.

საქართველოს პრეზიდენტი საკონსტიტუციო სასამართლოში პირველ ლედისთან მაკა ჩიჩუასთან და ადმინისტრაციის უფროსთან გიორგი აბაშიშვილთან ერთად იმყოფებოდა.

„დღეს, სლოვაკეთის პრეზიდენტი ბათუმშია და ძალიან მნიშვნელოვანია, რომ შედგა საქართველო - სლოვაკეთის ბიზნესფორუმი, სადაც სტუმრებს ადგილობრივმა ბიზნესმენებმა  და რეგიონის ხელმძღავნელობამ საკუთარი შესაძლებლობები და პოტენციალი აჩვენეს.

სლოვაკეთის მხრიდან ძალიან მაღალია დაინტერესება და ვფიქრობთ, რომ ეს ძალიან მნიშვნელოვანი წინსვლა იქნება ორი ქვეყნის ერთი მხრივ, ბზინესურთიერთობებში და მეორე მხრივ, პოლიტიკურ ურთიერთობებში, რამდენადაც  სლოვაკეთი საქართველოს ევროპული, ევროატლანტიკური ინტეგრაციის ძალიან მნიშვნელოვანი მხარდამჭერია.

განსაკუთრებით ხაზგასასმელია, ის გარემოება, რომ შემდგომი 6 თვის განმავლობაში სლოვაკეთი  ევროკავშირის თავმჯდომარე ქვეყანა იქნება, ცხადია, რომ  ჩვენ  ჩვენი მეგობრებისგან ყოველთვის მეტ მხარდაჭერას ველით“, - განაცხადა გიორგი აბაშიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალასი: უკრაინასთან დაკავშირებით სამშვიდობო შეთანხმება ევროკავშირის მონაწილეობის გარეშე შეუძლებელია

სენატორმა ბერნი სანდერსმა დემოკრატებს მოუწოდა, შეწყვიტონ აშშ-ის მიერ ირანის წინააღმდეგ ომის დაფინანსება

ტრამპმა უკრაინასთან დაკავშირებით მოლაპარაკებები გამოაცხადა და ევროპის მონაწილეობით მნიშვნელოვანი შეთანხმების მიღწევა დაანონსა

გუდაურსა და კობს შორის, მისაბმელიანი და ნახევრადმისაბმელიანი ავტოტრანსპორტის მოძრაობა დროებით შეიზღუდა