„საკონსტიტუციო სასამართლოს შესახებ" კანონში ცვლილებებთან დაკავშირებით საქართველოს პრეზიდენტს არასამთავრობო ორგანიზაციების წარმომადგენლებმა საკუთარი შენიშვნები გააცნეს.

როგორც შეხვედრის დასრულების შემდეგ არასამთავრობო ორგანიზაციების წარმომადგენლებმა განაცხადეს, საქართველოს პრეზიდენტს კანონთან დაკავშირებით გადაწყვეტილება ჯერ არ მიუღია.

პრეზიდენტის ადმინისტრაციის პრესსამსახურის ინფორმაციით, შეხვედრაზე საუბარი შეეხო იმ  ძირითად სამართლებრივ პრობლემებს, რომელიც ამ კანონთანაა დაკავშირებული და რა უნდა გაკეთდეს იმისათვის, რომ ქვეყანაში ერთერთი მთავარი ინსტიტუტის - საკონსტიტუციო სასამართლოს ფუნქციონირებას და მართლმსაჯულების ეფექტურად განხორციელებას ზიანი არ მიადგეს.

„საქართველოს პრეზიდენტის მიდგომა უფრო ფართოა და სახელმწიფოებრივი, ვიდრე მხოლოდ ვეტოს დაძლევა - არდაძლევის, ან გასაჩივრება - არგასაჩივრების საკითხი. პრეზიდენტი ფიქრობს იმაზე, როგორ უნდა გაუმჯობესდეს სისტემა",  - განაცხადა პრეზიდენტის სასახლეში დახურული შეხვედრის შემდეგ ლევან ალაფიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს