საქართველოს მთავრობის გადაწყვეტილებით, პირველიდან 16 მაისამდე პერიოდში კახეთისა და შიდა-ქართლის რეგიონებში ძლიერი სეტყვის შედეგად დაზიანებული ხეხილის ბაღებისა და ვენახის რეაბილიტაციისთვის დაზარალებულ მოსახლეობას  რეკომენდებული სასოფლო-სამეურნეო საქონელი, მათ შორის, სისტემური და კონტაქტური ფუნგიციდები ურიგდებათ.

სოფლის მეურნეობის სამინისტროს ინფორმაციით, დაზარალებულ ფერმერებს აგრობარათებზე 883 700 ლარის ოდენობის ქულები დაერიცხათ. ამ დროისთვის სარგებელი 9 562 ბენეფიციარმა უკვე მიიღო.

„ფერმერთათვის პრეპარატების დარიგება დაზიანებული ბაღებისა და ვენახების რეაბილიტაციის უზრუნველყოფის მიზნით ხორციელდება.

სახელმწიფოს მხრიდან აღნიშნული დახმარების გაწევის საჭიროება გამოიწვია იმ ფაქტმა, რომ აგროდაზღვევის პროგრამის ფარგლებში, მრავალწლიანი კულტურების შემთხვევაში ზიანი ანაზღაურებას ექვემდებარება მხოლოდ მას შემდეგ, რაც ნაყოფი მიაღწევს განვითარების გარკვეულ სტადიას. მაისის დასაწყისში კახეთისა და შიდა-ქართლის რეგიონებში მომხდარი სტიქიის შედეგად დაზიანებული ხეხილის ბაღებისა და ვენახების  შემთხვევაში კი,  ეს სტადია მიღწეული არ იყო.

შემდგომში რისკების შემცირების მიზნით, სოფლის მეურნეობის სამინისტრო ფერმერებს აგროდაზღვევის პროექტში ჩართვისკენ მოუწოდებს. აგროდაზღვევის პროექტის ფარგლებში, სადაზღვევო პოლისის შეძენა ყოველწლიურად (მოსავლისთვის სარისკო პერიოდის დადგომამდე) სახელმწიფო პროგრამაში ჩართულ ხუთ სადაზღვევო კომპანიაშია  შესაძლებელი.

მცენარეთა განვითარების შემდგომ სტადიაზე მოსალოდნელი დანაკარგების და ზარალის შემცირების მიზნით,  2014 წლიდან სოფლის მეურნეობის სამინისტრო  აგროდაზღვევის სახელმწიფო პროგრამას ახორციელებს. პროგრამის დაწყებიდან დღემდე, სახელმწიფო პროგრამით გაცემულ პოლისებზე სადაზღვევო ლიმიტმა 193 000 000 ლარი შეადგინა, სადაზღვეო პოლისი გაიცა 29 000 ბენეფიციარზე,  ხოლო სადაზღვევო კომპანიების მიერ 14 000 000 ლარის ოდენობის ზარალის ანაზღაურება განხორციელდა“, - ნათქვამია სოფლის მეურნეობის სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს