დევნილთა და განსახლების მინისტრმა სოზარ სუბარმა, საქართველოს საერთაშორისო სკოლა  „ახალი სკოლის“  მოსწავლეებთან ერთად,  თბილისის ზღვაზე,   ე.წ. „ოლიმპიურ სოფელში“ ახალაშენებულ კორპუსში მცხოვრები დევნილი ოჯახები მოინახულა. 

სამინისტროს ინფორმაციით, მოსწავლეებმა სკოლაში საქველმოქმედო აქცია გამართეს და შემოსული თანხით  მრავალშვილიანი  დევნილი  ოჯახებისთვის საჩუქრები შეიძინეს.

„ახალი სკოლის“ მოსწავლეები რამდენიმე თვის განმავლობაში „დევნილი ბავშვების“ თემაზე მუშაობდნენ. პროექტის ფარგლებში, მოსწავლეები შეხვდნენ დევნილთა და განსახლების მინისტრს სოზარ სუბარს, რომელმაც მათთვის საინტერესო ყველა შეკითხვას უპასუხა. 

გარდა ამისა,  მინისტრთან ერთად ესტუმრნენ დევნილთა ჩასახლებას, სადაც თანატოლების გაცნობის შესაძლებლობა მიეცათ.

მოსწავლეებმა დევნილი ბავშვების თემაზე მუშაობის შედეგების შემაჯამებელი პრეზენტაცია და გამოფენა გამართეს, რაც მათთვის მე-5 კლასიდან მე-6 კლასში გადასასვლელ გამოცდას წარმოადგენდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტი გელა მთივლიშვილი წერს, რომ თავს დაესხნენ

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა