ქუთაისის III ქვეით ბრიგადაში სახმელეთო ჯარების დასავლეთ სარდლობის მიერ დაგეგმილი საშტაბო-სამეთაურო სწავლება დამთავრდა.

თავდაცვის სამინისტროს ინფორმაციით,  სწავლების მიზანი დაქვემდებარებული ბრიგადებისა და ბატალიონების შტაბების ,,დიდგორი -2016“-ისთვის მომზადება იყო, რადგან „დიდგორი-2016“ წელს წინა წლებთან შედარებით გაცილებით მასშტაბური იქნება.

მათივე ინფორმაციით, სწავლებაში III ქვეითი ბრიგადის, II საარტილერიო ბრიგადის და სწავლების მხარდამჭერი ქვედანაყოფები მონაწილეობდნენ. კურსი 360-მა სამხედრო მოსამსახურემ გაიარა.

სწავლების განმავლობაში ბრიგადებმა და ბატალიონებმა სამხედრო გადაწყვეტილების მიღების პროცესის მართვა დახვეწეს, ამაღლდა მომზადების დონე მართვისა და კონტროლის პროცედურების შესრულების კუთხით, განხორციელდა მართვის პუნქტების მოქმედებების სტანდარტიზაცია.

კურსის მიმდინარეობას დასავლეთ სარდლობის შტაბის ოფიცრებთან ერთად, პირველ ეტაპზე, საქართველოში აშშ-ის საელჩოს თავდაცვის დეპარტამენტის დაქვემდებარებაში მყოფი (CUBIC) თავდაცვის სფეროში მრჩეველთა ჯგუფის წარმომადგენლები აკვირდებოდნენ, ხოლო, მეორე ეტაპზე აშშ-ის შეიარაღებული ძალების ჯორჯიის შტატის ეროვნული გვარდიის ოფიცერთა ჯგუფის წევრები. შემფასებლებმა სწავლების შემდეგი მოქმედების განხილვის პროცესში აქტიური მონაწილეობა მიიღეს.

საშტაბო-სამეთაურო სწავლება 11 აპრილს დაიწყო და 20 მაისს დასრულდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ