„საქართველოს სახელმწიფო ელექტროსისტემის“ სასწავლო ცენტრში სასისტემო-ავარიული ვარჯიში ჩატარდა.

ეს არის პირველი მასშტაბური პროექტი საქართველოში, რომელშიც სსე-ის მორიგე- ოპერატიული პერსონალისა და დისპეტჩერების გარდა, სხვადასხვა ენერგეტიკული ორგანიზაციების: საქართველოს ენერგეტიკული კორპორაციის, შპს „ენერგოტრანსი“-ს, სს „ენერგო-პრო ჯორჯია“-ს, სს „თელასი“-ს, სს ხრამჰესი-1-ის, სს ხრამჰესი-2-ის და შპს ,,გარდაბნის თბოსადგური“-ს მორიგე-ოპერატიული პერსონალი მონაწილეობს.

სწავლების პროცესში „საქართველოს სახელმწიფო ელექტროსისტემის“ ეროვნული სადისპეტჩერო ცენტრის დისპეტჩერებმა და მორიგე-ოპერატიულმა პერსონალმა, სხვა ენერგეტიკული კომპანიების წარმომადგენლებთან ერთად, იმიტირებული სასისტემო ავარია (სისტემის ნულიდან აღდგენა) წარმატებით აღმოფხვრეს.

ეს პრაქტიკული მეცადინეობები ენერგეტიკული ორგანიზაციების პერსონალის კოორდინირებული მუშაობის უნარების დაუფლებას და სხვადასხვა ხარვეზების აღმოფხვრას ემსახურება და მისი ჩატარების მიზანს ქვეყნის ენერგეტიკული სტაბილურობისა და საიმედოობის გაზრდა წარმოადგენს.

პროექტი „საქართველოს სახელმწიფო ელექტროსისტემა“-ში უკვე მეორე წელია ხორციელდება, თუმცა მანამდე ანალოგიური ვარჯიში მხოლოდ სსე-ის პერსონალის მონაწილეობით მიმდინარეობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს