საბურთალოს რაიონის გამგებელი ბექა მიქაუტაძე, დღეს, ლისის ტბის მიმდებარედ არსებული დასახლების მცხოვრებლებს შეხვდა და მათი პრობლემების შესახებ ინფორმაცია მოისმინა.

მერიის ინფორმაციით, ადგილობრივებისთვის მთავარი სატკივარი დღესდღეობით, მოუწესრიგებელი ინფრასტრუქტურაა.

მათ გამგებელს კონკრეტულ ადგილას სპორტული და საბავშვო მოედნის მოწყობა სთხოვეს, თუმცა ტერიტორია, რომელზეც ისინი მიუთითებდნენ, გამგებლის განმარტებით, კერძო საკუთრებას წარმოადგენს და ის სახელმწიფოს მიერ 2010 წელს იქნა გასხვისებული, შესაბამისად, აღნიშნულ ტერიტორიაზე გამგეობა ინფრასტრუქტურულ პროექტს ვერ განახორციელებს.

ამავე დასახლების მაცხოვრებლებს სასმელი წყლის პრობლემაც აწუხებთ. ისინი ჩივიან, რომ უმეტესად ზაფხულობით წყალი იმღვრევა და მისი მოხმარება შეუძლებელი ხდება. ბექა მიქაუტაძემ მათ განუცხადა, რომ აღნიშნული საკითხის მოსაგვარებლად ის კომპანია „ჯივიპის“ საქმის კურსში ჩააყენებს.

„ჩვენ მჭიდრო კომუნიკაცია გვაქვს კომპანია „ჯივიპისთან“ და აღნიშნულ საკითხის შესახებ მის ხელმძღვანელობას აუცილებლად ვაცნობებთ და რეაგირებას მოვითხოვთ. რაც შეეხება სათამაშო და სპორტულ მოედანს, ტერიტორია გასხვისებულია 2010 წელს და კერძო საკუთრებას ჩვენ ვერ შევეხებით, თუმცა შევეცდებით გამოვნახოთ ალტერნატიული ტერიტორია, სადაც ადგილობრივების თხოვნის შესაბამისად, გასართობ და დასასვენებელ ინფრასტრუქტურას მოვაწყობთ“, - განაცხადა ბექა მიქაუტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ