საფრანგეთში საქართველოს საგანგებო და სრულუფლებიანი ელჩის ეკატერინე სირაძე-დელონეს განცხადებით, Charlie Hebdo-ს რედაქციაზე განხორციელებული ტერორისტული აქტის გამო, პარიზში მძიმე ვითარებაა.

როგორც ელჩმა "კურიერთან" საუბრისას განაცხადა, ვითარება განსაკუთრებით მძიმეა იმ ფონზე, როცა ათეულობით წელია, პარიზში ამგვარი მასშტაბის ტერაქტი, რომელსაც 12 ადამიანის სიცოცხლე ემსხვერპლა, არ განხორციელებულა.

"ვითარება საკმაოდ მძიმეა იმდენად,  რამდენადაც ძალიან დიდი ხანია,  პარიზში ტერაქტი არ მომხდარა. ასეთი ტიპის და ასეთი მასშტაბის ტერაქტი, როდესაც ამდენი ადამიანია გარდაცვლილი,  უკვე ათეულობით წელია, რაც არ განხორციელებულა პარიზში. ამას ემატება ისიც, რომ, პრინციპში, გუშინ რესპუბლიკის პრეზიდენტმა თქვა, რომ მათ მოუწიათ და მოახერხეს რამოდენიმე ტერაქტის თავიდან აცილება, მაგრამ სამწუხაროდ, საბოლოო ჯამში,  ვნახეთ, რომ ვერ მოახერხეს ამ საშინელი ტერაქტის, რომელიც გუშინ განხორციელდა,  თავიდან აცილება. ძალიან დაძაბულია სიტუაცია და აქამდე არ ისმოდა, მაგრამ უკვე ღიადაა საუბარი იმაზე, რომ საფრანგეთი ომში შევიდა",-განაცხადა ეკატერინე სირაძე-დელონემ.

მისივე თქმით, ჯერჯერობით კონკრეტულად  საუბარი არაა იმაზე, თუ რა პასუხი უნდა გასცეს საფრანგეთის ხელისუფლებამ ტერორისტებს, რადგან გამოძიება დამნაშავის გამოსავლენად მუშაობს და პოლიტიკოსები ზედმეტი განცხადებების გაკეთებისგან თავს იკავებენ.

"ბუნებრივია, მოწოდებებია, რომ ყველა გაერთიანდეს ამ საშინელი  აქტის წინააღმდეგ, მაგრამ,  ასევე არის მოწოდებები, რომ არ მოხდეს ყველა მუსლიმის წინააღმდეგ გარადიკალიზება საფრანგეთის მოსახლეობის განწყობებისა იმიტომ, რომ ამის საშიშროება,  ბუნებრივია,  არის.მომავალში გახდება ცნობილი უფრო კონკრეტული გზები. ამწუთებში გამოძიება მუშაობს და ყველა სცდილობს, ზედმეტი განცხადებებისგან თავი შეიკავოს",-აღნიშნა საქართველოს ელჩმა საფრანგეთში ეკატერინე სირაძე-დელონემ.

შეგახსენებთ, პარიზში ჟურნალ „Charlie Hebdo“-ს რედაქციაზე თავდასხმას 12 ადამიანის სიცოცხლე ემსხვერპლა, ხოლო 10 დაშავებულია. ადგილობრივი პოლიციის ინფორმაციით, 4 მათგანის მდგომარეობა კრიტიკულია. არსებული ინფორმაციით, რედაქციას თავს ორი ნიღბიანი ადამიანი ავტომატებით  დაესხა და იქ მომუშავე პერსონალს ცეცხლი გაუხსნა. ცნობილია, რომ  ჟურნალ „Charlie Hebdo“-მ ინციდენტამდე ერთი საათით ადრე  ტვიტერის ოფიციალურ გვერდზე  "ისლამური სახელმწიფოს" ლიდერის აბუ ბაკრ ალ-ბაღდადის კარიკატურა გამოაქვეყნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი ეპისკოპოსებზე: ვუსმენ კომენტარებს პოლიტიკის სფეროში ჩვეული სიძულვილის ენით

ევროკავშირის ელჩი: ევროპა ყოველთვის იყო საქართველოს ისტორიის ნაწილი

Amex ბარათით გადახდა უკვე „თეგეტა მოტორსშიც“ არის შესაძლებელი - დააგროვეთ 10ჯერ მეტი MR ქულა

პატრიარქობის კანდიდატის, ფოთისა და ხობის მიტროპოლიტ გრიგოლის პროგრამული ხედვა