ირაკლი ღარიბაშვილი „ქართული ოცნების“ ყრილობაზე მივიდა

2016-05-14 16:21:07, 607 ნახვა

პოლიტიკა

კოალიცია ”ქართული ოცნება-დემოკრატიული საქართველოს” რიგით IV ყრილობაზე ყოფილი პრემიერ-მინისტრი ირაკლი ღარიბაშვილი მივიდა.

როგორც ღარიბაშვილმა აღნიშნა, კომენტარს ყრილობის დასრულების შემდეგ გააკეთებს.

სპორტის სასახელში იმყოფება ასევე ყოფილი პრემიერ-მინისტრი, ბიძინა ივანიშვილიც.

დღევანდელ ყრილობაზე პარტიის წევრები ახალ თავმჯდომარეს აირჩევენ. ამ პოსტზე პრემიერ-მინისტრი, გიორგი კვირიკაშვილია წარდგენილი. ყრილობა ასევე პარტიის პოლიტსაბჭოს განახლებულ შემადგენლობას აირჩევს და ახალ წესდებას დაამტკიცებს.

ყრილობას აღმასრულებელი და საკანონმდებლო ხელისუფლების, დიპლომატიური კორპუსისა და არასამთავრობო ორგანიზაციების წარმომადგენლები, ასევე ათასობით მხარდამჭერი ესწრება.

სპორტის სასახლის მიმდებარე ტერიტორიაზე საპატრულო პოლიციაა მობილიზებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან