მიმდინარე წლის 13-დან 15 მაისის ჩათვლით, გერმანული კომპანია Bredent medical-ის სერტიფიცირებული ექიმები ინოვაციური მეთოდებისა და უახლესი მასალების გამოყენებით საჩვენებელ ოპერაციებს ჩაატარებენ. Bredent medical ერთ-ერთი წამყვანი კომპანიაა მსოფლიოში დენტალური იმპლანტების წარმოების სფეროში. ოპერაციებს დაესწრებიან საქართველოდან და სომხეთიდან მოწვეული ექიმები. 

შემოსული თანხა ჩაირიცხება 13 ივნისის წყალდიდობის შედეგად დაზარალებული თბილისის ზოოპარკის საქველმოქმედო ფონდში. ოპერაციებს გააკეთებენ: იმპლანტოლოგი სომხეთიდან დავიდ გალსტიანი (კლინიკა „დავიდენტი") და ყბა-სახის ქირურგი საქართველოდან მაია კივილაძე (კლინიკა „ეკსნერი და კომპანია").

ჩატარდება შემდეგი სახის ოპერაციები: Bredent medical-ის კონცეფცია Fast & Fixed გვთავაზობს ერთ ეტაპად, ოპერაციული ჩარევის დამთავრებისთანავე, ღეჭვის ფუნქციის სრულყოფილ აღდგენას უკბილო ყბების მქონე პაციენტებში. აღნიშნული მეთოდით სულ რაღაც 4 საათშია შესაძლებელი იმპლანტებისა და მოუხსნელი კონსტრუქციის პროთეზის დაყენება. ამასთან, ამ შემთხვევაში არანაირი მნიშვნელობა არ აქვს ძვლის არასაკმარის მოცულობას, რაც პრობლემას ქმნის ტრადიციულ იმპლანტოლოგიაში;

კომპანია Bredent medical-ის წარმოების ცირკონის იმპლანტის White SKY დაყენება. White SKY ბიოშეთავსებადი მასალის, ცირკონის ოქსიდის ერთკომპონენტიანი იმპლანტია. ამ მასალისგან შექმნილი იმპლანტები რეკომენდებულია პაციენტებისთვის, რომლებსაც ალერგია აქვთ მეტალზე. ცირკონის იმპლანტები იდეალური ვარიანტია ფრონტალური ჯგუფის კბილების იმპლანტაციის დროს, როდესაც ღიმილის მაღალი ხაზის, ან ღრძილის თხელი ბიოტიპის შემთხვევაში შესაძლებელია რბილი ქსოვილებიდან მეტალის ფერის გამჭოლობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ