ივანე ჯავახიშვილის სახელობის თბილისის სახელმწიფო უნივერსიტეტში აკადემიური საბჭოს პირველი ეტაპის არჩევნები მიმდინარეობს.

არჩევნებში 33 კანდიდატი მონაწილეობს. უნივერსიტეტის თითო ფაკულტეტი, აკადემიურ საბჭოში 14 წევრს აირჩევს. საარჩევნო უბნები შვიდივე ფაკულტეტზე ერთდროულად გაიხსნა.

თსუ-ის საარჩევნო კომისიის ინფორმაციით, კენჭისყრაში 791 ამომრჩეველი მონაწილეობს, აქედან 726 აკადემიური პერსონალია, 65 კი სტუდენტური თვითმმართველობის წევრია.

ცნობისთვის, არჩევნების პროცესს არასამთავრობო ორგანიზაციების წარმომადგენლები და ინდივიდვალური დამკვირვებლები აკვირდებიან.

თსუ-ის აკადემიური საბჭოს წევრების კანდიდატთა რეგისტრაცია 28 აპრილს დასრულდა.

რეგისტრაცია სულ 35 კანდიდატმა გაიარა, აქედან 1, დოკუმენტაციის ხარვეზის გამო მოიხსნა, 1 კანდიდატმა კი თავად გააუქმა განაცხადი. ხმის მიცემის პროცესი დღეს, 17:00 საათზე დასრულდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ